Noticias Noticias da Mesa

A Mesa solicita aplicar a ordenanza de uso da lingua galega na Deputación da Coruña

A Mesa pola Normalización Lingüística pídelle á Deputación da Coruña que faga efectiva a ordenanza de uso da lingua galega que a propia institución aprobou o 15 de setembro de 2017.

  • (422 kB)
  • (422 kB)

A Mesa mantén a súa actividade grazas ás socias e socios.
Colabora connosco asociándote

A petición da Mesa realízase tras detectar que existen certos departamentos dependentes da Deputación da Coruña que seguen a utilizar de maneira exclusiva o castelán, chegando até o punto de non facilitar documentación ou atención en galego a pesar de ser solicitada.

A Mesa ten constatado que se incumpre o artigo 3.1  da ordenanza na que se expón que todos os servizos de todas as unidades administrativas que teñan relación co público fomentarán o uso do idioma galego mediante a súa utilización como lingua normal de comunicación de entrada, tanto oral como escrita, practicando a oferta positiva en lingua galega.

Do mesmo xeito, desde a entidade en defensa e promoción da lingua temos recibido queixas en relación ao incumprimento do artigo 4.3 que recolle que todos os modelos de documentación da Deputación Provincial da Coruña serán elaborados e difundidos de entrada e prioritariamente en galego, así como do artigo 4.4 que se refire a documentos e acción no cal a solicitude dos interesados/as, os cidadáns/ás teñen dereito a elixir a lingua na que se dirixen á Deputación provincial.

Para o presidente da Mesa Marcos Maceira, “estas actitudes non deben producirse nunca pero que acontezan nunha institución pública pasando por riba dos dereitos lingüísticos da cidadanía e das propias normas legais aprobadas a nivel galego e provincial, é inadmisíbel” apunta.

Maceira valora positivamente a aprobación recente da ordenanza de uso da lingua galega, coa que a institución non contaba até o de agora, o que é indicativo do atraso de tres décadas acumulado pola Deputación coas súas obrigas en relación co galego. Tamén se valoran os pasos dados en materia de promoción, difusión e normalización da lingua galega mais solicita que se axilice o cumprimento efectivo da ordenanza.

  • (422 kB)
  • (422 kB)

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis