Noticias da Mesa

O suplemento Somos Galego xa está nos quioscos

Cada dous meses A Mesa pola Normalización Lingüística colabora con Sermos Galiza cun suplemento que pon ao día as novas sobre lingua galega.

Onte, xoves día 2 de marzo, saíu o novo suplemento de Somos Galego co semanario Sermos Galiza. Neste suplemento, pódese atopar as últimas novas da Mesa respecto a nosa lingua. Neste número once, cóntase con dúas reportaxes:  a nova Iniciativa Lexislativa Popular pola garantía dos dereitos lingüísticos que está impulsando A Mesa e as últimas actuacións que, xunto ca CIG-Ensino, levou a cabo para mellorar a presenza do galego na educación. Conta ca información, tamén, da presentación do informe da Liña do Galego.

Ademais, pódese atopar, como cada número, a colaboración do catedrático de Filoloxía Galega e Portuguesa, Xosé Ramón Freixeiro Mato, que fala sobre a forma e uso dalgunhas preposicións para mellorar a calidade da nosa lingua.

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis