Noticias Noticias da Mesa

A Xunta desbota empregar o galego nos cursos de formación

Fondos públicos dos galegos e galegas que  exclúen a lingua propia de Galiza

  • (302 kB)
  • (302 kB)

A Mesa mantén a súa actividade grazas ás socias e socios.
Colabora connosco asociándote

A Mesa, a través da Liña do Galego, recibiu diversas denuncias sobre a exclusión do galego nos cursos de formación subvencionados con cartos públicos pola Consellaría de Economía, Emprego e Industria para persoas desempregadas e empregadas.

A exclusión da lingua propia de Galiza é total, pois vai desde a oralidade até os libros de texto ou os exames que están exclusivamente en castelán. Desde a Mesa non entendemos que a propia administración pública, que ten como obriga promover o uso da lingua galega, é a primeira en excluíla da súa formación.

Para o presidente da Mesa Marcos Maceira, “se da formación se exclúe a lingua galega, despois tamén se excluirá das relacións sociais e económicas” polo tanto, “onde fica a liberdade de escolla que tanto pregoa o goberno da Xunta de Galiza?” cuestiona Maceira.

Desde a Mesa promovemos unha iniciativa lexislativa popular (ILP) para garantir os dereitos lingüísticos no ámbito socioeconómico cun amplo apoio social con 28.000 sinaturas e ducias de empresarios e empresarias. “É ilóxico que o propio goberno galego elimine a lingua que ten a obriga estatutaria de promover, queremos que cesen no seu ataque á lingua propia deste país” declarou Maceira.

Ante esta situación, a Mesa tramitará un expediente informativo detallando a lexislación que a Consellaría incumpre. Diversas normas legais entre as que están a Lei de normalización lingüística, o Plan xeral de normalización da lingua galega até o propio Estatuto de autonomía de Galiza.

  • (302 kB)
  • (302 kB)

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis