App
Abertos ao Galego

Opina e valora o uso do galego nos estabelecementos.

App Abertos ao Galego

Accede a centos de estabelecementos desde a app para que poidas opinar e valorar o seu uso do galego

Consulta os estabelecementos

Accede a centos de estabelecementos de xeito sinxelo tanto en modo mapa como en modo procura

Filtra a túa procura

Filtra e localiza máis rápido os estabelecementos que che interesen ben polo seu nome ou pola súa categoría

Opina e valora

Puntúa e comenta o uso do galego tanto oral, escrito como virtual.

Características da app

Estas son algunhas das características e vantaxes da app

Plataforma iOS

A app está programada nativamente para a plataforma iOS e dispoñíbel para a súa descarga desde a App Store

Plataforma Android

A app está programada nativamente para a plataforma Android e dispoñíbel para a súa descarga desde a Play Store

Login social

Acceso sinxelo a app mediante login por Facebook, Google ou email e contrasinal

Deseño optimizado

O deseño está optimizado para a súa compatibilidade con iOS e Android

Usabilidade

A app está deseñada para que o seu uso sexa moi sinxelo e rápido

Compatibilidade

A app é compatíbel cos últimos modelos de smartphones do mercado

Quen somos


A Mesa pola Normalización Lingüística é unha plataforma independente, plural e apartidaria que ten como único obxectivo a promoción do uso do galego en todos os ámbitos da vida social propios de calquera idioma. O seu papel é o de emprender iniciativas que sensibilicen a poboación e que abran novas vías de uso do noso idioma en distintos ámbitos, así como denunciar todo tipo de agresións e discriminacións que poida sufrir a lingua galega e asegurar que se respecte o seu uso individual e colectivo.

Podes ampliar toda a información sobre nós na nosa páxina web

Aquí están todas as empresas de Abertos ao Galego

Que facemos


Un dos aspectos característicos do espírito de traballo da Mesa é o esforzo por ser a casa común do traballo pola normalización do idioma, polo que sempre procura implicar nas súas accións a todo tipo de organizacións, institucións ou empresas. Este traballo de colaboración pode realizarse de maneira puntual, para unha campaña concreta, ou de maneira continuada. Así, a Mesa impulsou en 2009 a plataforma unitaria Queremos Galego, que coordina desde ese momento e que está conformada por máis de 700 entidades de todo tipo.

As actividades da Mesa deséñanse con finalidades sensibilizadoras e reivindicativas. As campañas sensibilizadoras teñen un importante elemento informativo e van dirixidas á poboación en xeral, aos comercios, empresariado, etc. As accións reivindicativas refírense sobre todo ás institucións ou grandes empresas e consisten na denuncia de discriminacións lingüísticas do galego ou do incumprimento da Lei de normalización lingüística, aprobada en 1983 porén incumprida aínda hoxe en moitos dos seus artigos. Tamén desenvolvemos campañas de felicitación cando unha empresa ou colectivo se destaca de maneira positiva polo uso ou promoción do noso idioma. Tanto as accións de denuncia como as de felicitación realízanse a través de cartas directas, comunicados de imprensa que se publican nos medios de comunicación, etc.

Podes ampliar toda a información sobre nós na nosa páxina web

Contacto


Podes poñerte en contacto connosco mediante os seguintes medios


  • Avenida de Lugo, 2-A, entresollado A
    15702 - Santiago de Compostela
  • 981 56 38 85
  • amesa@amesa.gal

Descarga a app

Descarga a app desde a súa tenda de aplicacións correspondente en función do teu sistema operativo

Solicita a túa alta como estabelecemento

Categoría


Autorizo á Mesa pola Normalización Lingüística a usar estes datos para a súa incorporación á aplicación Abertos ao Galego. Para máis información consulte a nosa política de privacidade.

Os seus datos serán tratados coa única finalidade de incorporación á aplicación e difusión dos datos dos estabelecementos adheridos. Non se cederán a terceiros.