CARTA ABERTA AOS ESTADOS MEMBROS DA UNIÓN EUROPEA

1.039 persoas apoiaron xa esta campaña!
Faltan tan só 961 apoios a chegarmos aos 2.000! Axúdanos!

CARTA ABERTA AOS ESTADOS MEMBROS DA UNIÓN EUROPEA

Dirixímonos a vostedes en relación ao debate que terá lugar o 15 de novembro no Consello de Asuntos Xerais e que será unha outra oportunidade para recoñecer a lingua galega como oficial da Unión Europea

A lingua galega é a grande obra colectiva do pobo galego. A que nos une e nos identifica, a que nos dá voz propia nunha Europa e nun mundo plural e diverso ao que queremos contribuír.

Así o fixemos mantendo vivo o noso idioma no noso país, con esforzo, perseverancia e dignidade colectiva. Séculos de limitacións, restricións, prohibicións e represión do seu uso na Galiza non impediron que aínda hoxe sexa a lingua de maior uso habitual e elemento decisivo de cohesión social.

A oficialidade do galego en Galiza, recoñecida en 1981, non será plena se non atinxe a todos os ámbitos da nosa vida social, económica e cultural, hoxe condicionada en moitos aspectos pola nosa pertenza a unha Unión Europea que aínda non recoñece plenamente a nosa lingua.

O galego é garantía de futuro, de existencia digna e próspera como pobo. O idioma é o mellor instrumento común que creamos todas e todos os galegos e unha necesidade para avanzarmos xuntas todas as xeracións actuais na cultura, na educación, no progreso social, económico e político. Para afrontar o futuro en todos os ámbitos precisamos o apoio e protección que as regulacións europeas dan ás linguas oficiais da Unión. Sermos cidadás e cidadáns con todas as garantías, dereitos e deberes, tamén os lingüísticos, recoñecidos.

Ademais no caso do galego, a pertenza do noso idioma a un sistema lingüístico máis amplo (o galego-portugués) alén de optimizar recursos na tradución e interpretación, facilitaría e melloraría a reciprocidade na integración dentro do Eixo atlántico que partillamos con Portugal e no que existe continuidade lingüística, cultural e económica.

As e os representantes de entidades públicas e sociais asinantes desta carta pedímoslle a todos os Estados membros que voten si ao recoñecemento da lingua galega como oficial da Unión Europea.

A Liña do Galego é un servizo gratuíto ofrecido pola Mesa pola Normalización Lingüística dirixido a toda a poboación que tramita queixas cara ás institucións, empresas, etc, que vulneran os dereitos lingüísticos; así como parabéns para quen dea pasos cara a garantía do dereito a vivir en galego. Este servizo conta coa colaboración da Deputación da Coruña.

Lara Méndez López. Alcaldesa de Lugo

Inés Rey García. Alcaldesa da Coruña

Goretti Sanmartín Rei. Alcaldesa de Santiago de Compostela

Miguel Anxo Fernández Lores. Alcalde de Pontevedra

José Tomé Roca. Presidente da Deputación de Lugo

Ana Belén Pontón Mondelo. Portavoz Nacional e portavoz parlamentaria do BNG

Valentín González Formoso. Presidente da Deputación da Coruña e Secretario xeral do PSdeG

Luís Manuel Álvarez Martínez. Portavoz parlamentario do PSdG

Paulo Carril Vázquez. Secretario xeral da CIG

Amelia Pérez Álvarez. Secretaria xeral SN de CCOO de Galicia

José Antonio Gómez Gómez. Secretario xeral UXT Galicia

Xurxo Álvarez. Presidente Federación Rural Galega

Isabel Vilalba. Secretaria xeral SLG

Roberto García Fernández. Secretario xeral de Unións Agrarias

Marcos Maceira Eiras. Presidente da Mesa pola Normalización Lingüística

Xosé Manuel Carril Vázquez. Presidente de Galiza Cultura

Anxo Louzao Rodríguez. Portavoz de Vía Galega

Vítor Freixanes. Presidente da Real Academia Galega

Cesáreo Sánchez Iglesias. Presidente da Asociación de Escritoras e Escritores en Lingua Galega

Manuel Vázquez Cabo. Presidente da Rede Galega de Empresas

Anxos Sobriño. Presidenta Coordinadora de Traballadores e Traballadoras pola Normalización da Lingua

Isabel Calvete. Presidenta da Confederación de ANPAS GALEGAS

Celia Armas. Directora empresas Abertos ao Galego

María Xosé Bravo. Presidenta da Asociación Cultural Alexandre Bóveda

María Antonia Pérez Rodríguez. Presidenta da Asociación Cultural O Galo 

Elsa Quintas Alborés. Directora Observatorio Dereitos Lingüísticos

Arantza Vilar. Presidenta da Asociación de actores e actrices de Galicia.

Higinio Mougán. Director xerente da Asociación Galega de Cooperativas Agroalimentarias

Roi Cuba Dorado. Presidente da Asociación para a Defensa Ecolóxica de Galiza

María Pérez González. Presidenta da Federación de Asociacións Veciñais de Vigo “Eduardo Chao”

Iria Taibo. Presidenta da Asociación Galega de Profesionais da Tradución e da Interpretación

Antonio López Díaz. Reitor da Universidade de Santiago de Compostela

Julio Abalde Alonso. Reitor da Universidade da Coruña

Manuel Joaquín Reigosa Roger. Reitor da Universidade de Vigo

1039 apoios para esta campaña.

  1. Susana Mayo Redondo · 59439
    Hai 5 días
  2. Sinatura cod59432
    Hai 1 semana
  3. Noa Expósito Campo · 59427
    Hai 1 semana
  4. José Manoel Afonso Nozeda · 59426
    Hai 2 semanas

Deixa o teu apoio a esta campaña

O teu enderezo electrónico e documento de identidade non se publicará nunca e o asinar a campaña aceptas a nosa política de privacidade. Os campos obrigatorios están marcados con *

Carriño da compra