Iniciativa Netflix en galego: queremos todo o audiovisual na nosa lingua

Igualdade para producións, dobraxe e lexendaxe en galego na nova Lei Xeral do Audiovisual Plataformas de emisións de contidos audiovisuais como Netflix, HBO, Prime Vídeo ou Movistar, ou incluso as canles xeralistas con concesións públicas de TV, emiten os seus contidos só en castelán sen nen sequera contaren coa opción dobrada ou lexendada en galego […]

Igualdade para producións, dobraxe e lexendaxe en galego na nova Lei Xeral do Audiovisual

Plataformas de emisións de contidos audiovisuais como Netflix, HBO, Prime Vídeo ou Movistar, ou incluso as canles xeralistas con concesións públicas de TV, emiten os seus contidos só en castelán sen nen sequera contaren coa opción dobrada ou lexendada en galego que si ofertan para outras moitas linguas.

Mesmo a canle pública estatal, TVE, tamén financiada con diñeiro galego, só emite na nosa lingua 39 minutos sobre un total de 120 horas diarias.

Até o momento a lexislación xeral audiovisual só estabeleceu porcentaxes obrigatorios de contidos mínimos e financiamento en castelán, o que limita o acceso a contidos en galego, impide que a infancia, a mocidade e o conxunto do público gocen dunha oferta máis ampla de series e filmes en galego e sitúa en inferioridade de condicións de financiamento ao sector audiovisual galego. Porén, esta situación pode mudar na nova Lei Xeral de Comunicación Audiovisual.

Que queremos? 

En maio de 2021 o Parlamento de Galiza aprobaba por unanimidade a Iniciativa Popular Xabarín impulsada pola Mesa pola Normalización Lingüística e avalada por máis de 33.000 sinaturas, xa contemplaba algunhas medidas para corrixir esta situación solicitando accións para:

  • Que a nova Lei Xeral do Audiovisual recoñeza a pluralidade lingüística como principio básico, igualando contidos e porcentaxes mínimas en galego e castelán na dobraxe, lexendaxe e audiodescricións, así como no financiamento anticipado de producións audiovisuais nas canles e plataformas de televisión lineais ou baixo demanda.
  • Reclamar da Corporación de Radio Televisión Española que emita todos os seus contidos con opción dobrada ao galego nomeadamente na programación da canle específica infantil e xuvenil e nos contidos da súa App.

Por todo isto, as persoas abaixo asinantes instamos á Vicepresidencia de Asuntos Económicos e Transformación Dixital a que inclúa as medidas mencionadas anteriormente en favor da lingua galega na nova Lei Xeral de Comunicación Audiovisual.

App ABERTOS AO GALEGO

Unha App para terminais Android e Apple onde están sinalados os establecementos que contan co certificado Abertos ao galego xunto a aqueles dos que temos constancia do uso do galego. A App fica aberta a novas incorporacións, polo que se coñecer estabelecementos que puideren entrar só nolo ten que facer saber. Descárgaa aquí    

Unha App para terminais Android e Apple onde están sinalados os establecementos que contan co certificado Abertos ao galego xunto a aqueles dos que temos constancia do uso do galego. A App fica aberta a novas incorporacións, polo que se coñecer estabelecementos que puideren entrar só nolo ten que facer saber.

Descárgaa aquí

 

 

App A Liña do Galego

A Liña do Galego é un servizo gratuíto ofrecido pola Mesa pola Normalización Lingüística dirixido a toda a poboación que, desde o ano 2007, atende consultas sobre dereitos lingüísticos e tramita queixas cara ás institucións, empresas etc, que os vulneran; así como parabéns para quen dea pasos cara a garantia do dereito a vivir en […]

A Liña do Galego é un servizo gratuíto ofrecido pola Mesa pola Normalización Lingüística dirixido a toda a poboación que, desde o ano 2007, atende consultas sobre dereitos lingüísticos e tramita queixas cara ás institucións, empresas etc, que os vulneran; así como parabéns para quen dea pasos cara a garantia do dereito a vivir en galego. Desde xullo do ano 2016, A Mesa puxo en marcha a app ALiña do Galego; o obxectivo desta aplicación é proporcionar as usuarias e usuarios unha nova forma de comunicación que permita o envío de queixas e parabéns dunha forma sinxela, rápida, segura e cómoda.

DESCARGAR APP

 

A Liña do Galego é un servizo gratuíto ofrecido pola Mesa pola Normalización Lingüística dirixido a toda a poboación que, desde o ano 2007, atende consultas sobre dereitos lingüísticos e tramita queixas cara ás institucións, empresas etc, que os vulneran; así como parabéns para quen dea pasos cara a garantia do dereito a vivir en galego. Desde xullo do ano 2016, A Mesa puxo en marcha a app A Liña do Galego; o obxectivo desta aplicación é proporcionar as usuarias e usuarios unha nova forma de comunicación que permita o envío de queixas e parabéns dunha forma sinxela, rápida, segura e cómoda.

Moitas e moitos galegofalantes continúan a considerar normal a exclusión do seu idioma e iso é algo que queremos axudar a mudar porque, cando a poboación non é consciente dos seus dereitos, existe un défice democrático que cómpre corrixir. A idea de que hai dereitos lingüísticos en Galiza, tanto individuais como colectivos, non está asentada, canto máis nos territorios onde nin sequera teñen recoñecemento legal estes dereitos.

Coa Liña do Galego quérese afortalar o obxectivo de dar cobertura e amparo ás persoas ás que se lles impide desenvolver a súa vida na lingua propia do país. Cando unha persoa chama ou escribe, ábrese un expediente na base de datos ao que se lle asigna unha numeración para lle poder facer o seguimento. Con todas as queixas, consultas e parabéns realizarase un informe anual, que servirá tanto de diagnose da situación como para propor medidas de mellora para o ano seguinte.

Queixas

  • Unha persoa traballadora dunha administración pública negouse a me atender en galego.
  • Os sinais da estrada exclúen a lingua propia de Galiza.
  • Estiven máis de dúas horas ao teléfono para conseguir que a miña compañía telefónica me atendese na miña lingua.
  • A miña crianza non recibe as aulas en galego.
  • Unha entidade emprega toponimia deturpada na súa documentación.

Se viviches algunha destas situacións ou outras onde se vulneraron os teus dereitos lingüísticos, denúnciao! Na Liña do Galego tramitamos as queixas da cidadanía ante as entidades afectadas, con total garantía de confidencialidade para os datos da persoa que denuncia.

Non admitimos denuncias anónimas, polo que precisamos que nos facilites os teus datos: nome e apelidos, teléfono móbil e/ou correo electrónico e enderezo postal (rúa, número, andar, código postal e localidade); a entidade que conculcou os teus dereitos e a localidade (ou enderezo web) onde ocorreron os feitos, e unha explicación o máis detallada posíbel dos feitos acontecidos.

Consultas

  • Teño dereito a que unha persoa funcionaria da Administración do Estado me atenda en galego?
  • Como podo galeguizar o meu apelido?
  • Podo falar galego no meu traballo?
  • A que administración me teño que dirixir para pór unha queixa pola vulneración dos meus dereitos lingüísticos?
  • Existen modelos de contratos de alugueiro en galego?

Dirixe todas as túas dúbidas sobre os dereitos lingüísticos da comunidade galegofalante á Liña do Galego. Para isto, indícanos o teu nome e apelidos, correo electrónico, teléfono, o teu enderezo postal e o motivo da túa consulta.

 

 

 

A Liña do Galego conta cunha axuda da Deputación da Coruña

 

Encontro da Mesa con Elisa Loncón, presidenta da Convención constuínte de Chile

Marcos Maceira, presidente da Mesa pola Normalización Lingüística mantivo un encontro con Elisa Loncón, activista mapuche, loitadora polos dereitos lingüísticos e presindenta da Convención constituínte de Chile, para falar e compartir experiencias sobre o galego e o mapudungún nos diferentes territorios. A presidenta Loncón compartiu connosco os avances que se fixo en materia lingüística na propia […]

Marcos Maceira, presidente da Mesa pola Normalización Lingüística mantivo un encontro con Elisa Loncón, activista mapuche, loitadora polos dereitos lingüísticos e presindenta da Convención constituínte de Chile, para falar e compartir experiencias sobre o galego e o mapudungún nos diferentes territorios.

A presidenta Loncón compartiu connosco os avances que se fixo en materia lingüística na propia asemblea e as accións que se tomaron dende a súa chegada respecto das linguas e os pobos indínexas de Chile. Pola súa banda, Maceira presentoulle a exitosa campaña da Iniciativa Xabarín para lograr unha canle infantil e os avances que se están a dar neste sentido no sector para modificar a nova Lei do Audiovisual que se está a redactar no Congreso.

  • (148 kB)
  • (170 kB)

A Mesa reclama máis prazas de portugués no ensino

A Mesa pola Normalización Lingüística,  ante a publicación do 14 de xaneiro na mesa sectorial de ensino das prazas por especialidade da convocatoria de oposicións de 2022, súmase ás reclamacións que fai a Associação de professores de Língua Portuguesa na Galiza para aumentar as prazas de portugués dispoñíbeis no ensino. Con 1171 prazas anunciadas, a […]

A Mesa pola Normalización Lingüística,  ante a publicación do 14 de xaneiro na mesa sectorial de ensino das prazas por especialidade da convocatoria de oposicións de 2022, súmase ás reclamacións que fai a Associação de professores de Língua Portuguesa na Galiza para aumentar as prazas de portugués dispoñíbeis no ensino. Con 1171 prazas anunciadas, a publicación previa do Goberno inclúe só catro prazas de lingua portuguesa.

Consideramos que o número é pouco ambicioso e non atende ás expectativas creadas. Xa en decembro deste ano a associação DPG indicara nun recente parecer que é preciso maior vontade política por parte do Goberno para o portugués avanzar no ensino. Diferentes colectivos asinamos agora un mesmo parecer relacionado co avance decidido dos compromisos políticos que a Lei Paz Andrade indica a respecto do ensino da lingua de Camões.

Actualmente, tan só hai 12 docentes que foron contratados inicialmente en setembro para a educación secundaria a través da especialidade 590015:português para os máis de 75 centros de secundario onde xa se dá esta materia.

O ensino de portugués na educación continúa sen a expansión nin a consolidación que correspondería aos esforzos realizados por docentes e centros de ensino e ao asentamento dos niveis, creación e manutención de departamentos a través da voluntariedade. Urxe o Goberno apostar polas condicións laborais adecuadas para a implementación da materia a través do aumento de funcionariado contratados a través da especialidade propia e tamén ofrecer de maneira firme e decidida a materia en todos os centros de ensino.

Como a propia Consellería aínda non fechou a posibilidade dalgunhas das 1.171 prazas convocadas habendo a posibilidade de mudar e o número total aumentar incluíndo máis prazas que non teñan aparecido nesta previsión inicial de xaneiro, requirimos da Consellería de Educación que considere a viabilidade de aumentar de maneira decidida as prazas da especialidade. Solicitamos conxuntamente:

  • Que antes da publicación definitiva no DOG reconsidere a convocatoria de Oferta de Emprego Público de 2022 incluíndo un número de prazas (24) que multiplique por seis as actuais prazas de portugués convocadas.
  • Que estude ofrecer no próximo ano escolar 2022-23 en pre-matrícula a materia en todos os centros recollendo dados reais de procura para planificar unha adecuada incorporación da materia no conxunto do ensino secundario.

 

 

  • (114 kB)

A Mesa insta o presidente de Asturias a descartar a fobia contra o galego no debate pola oficialidade

O presidente da Mesa pola Normalización Lingüística, Marcos Maceira, sae ao paso das declaracións do presidente do Principado de Asturias, Adrián Barbón, ao respecto da oficialidade do galego na súa comunidade. “Ningunha lexislación democrática pode empregar subterfuxios semánticos para ocultar unha realidade e unha necesidade para as miles de persoas galegofalantes entre o Eo e […]

O presidente da Mesa pola Normalización Lingüística, Marcos Maceira, sae ao paso das declaracións do presidente do Principado de Asturias, Adrián Barbón, ao respecto da oficialidade do galego na súa comunidade. “Ningunha lexislación democrática pode empregar subterfuxios semánticos para ocultar unha realidade e unha necesidade para as miles de persoas galegofalantes entre o Eo e o Navia”, sentenciou.

“Se houber intención de situar o Estatuto de Asturies dentro da democracia”, explicou, “a igualdade e os dereitos humanos aos que obrigan tratados internacionais como a Carta de dereitos civís e democráticos ou a Carta das linguas rexionais e minorizadas, o galego asturiano tamén será lingua oficial de Asturies tal e como reclamou a Real Academia Galega”. A Mesa pola Normalización Lingüísitica amosa, así, a súa coincidencia coa Real Academia Galega, que recentemente se dirixiu ao goberno asturiano para reclamar a oficialidade do galego como maneira de recoñecer e comezar a garantir dereitos para as miles de persoas que o empregan día a día malia o nulo recoñecemento legal.

“Tal e como sinalou a RAG”, rematou Maceira, “empregar unha fórmula como Eonaviego só procura facer invisíbel a existencia do galego nas comarcas lindeiras coa Galiza”. A este respecto, o presidente da Mesa alertou sobre a “perigosidade de certos argumentos para o facer que deixan ver que ser galego é algún tipo de problema ou defecto mal visto socialmente e que compre ocultar”.

Participacións da Mesa premiadas no sorteo

Prezadas amigas e amigos, As participacións da Mesa poderán ser cobradas con cita previa a partir do día 3 de xaneiro, na sede que a asociación ten en Santiago de Compostela (rúa García Prieto nº 7 – semisoto B). Aquelas persoas que non poidan achegarse, poden poñerse en contacto connosco a través do 981563885 ou […]

Prezadas amigas e amigos,

As participacións da Mesa poderán ser cobradas con cita previa a partir do día 3 de xaneiro, na sede que a asociación ten en Santiago de Compostela (rúa García Prieto nº 7 – semisoto B). Aquelas persoas que non poidan achegarse, poden poñerse en contacto connosco a través do 981563885 ou enviando un correo a admon2@amesa.gal

Feliz ano!

Lotaría de Nadal: 002148 número de serie premiado no sorteo da Mesa

Realizouse  no local da Mesa o sorteo dunha noite para dúas persoas en Budiño de Serraseca Turismo Rural entre todos aqueles que nos axudastes mercando participacións da Lotaría de Nadal da nosa asociación. A portadora ou portador do recibo cuxo número de serie remata en 2148  debe pórse en contacto co Local Nacional da Mesa […]

Realizouse  no local da Mesa o sorteo dunha noite para dúas persoas en Budiño de Serraseca Turismo Rural entre todos aqueles que nos axudastes mercando participacións da Lotaría de Nadal da nosa asociación.

A portadora ou portador do recibo cuxo número de serie remata en 2148  debe pórse en contacto co Local Nacional da Mesa no tel.  981 563 885 ou no correo-e amesa@amesa.gal para canxear o premio, que consiste nunha noite para dúas persoas con almorzo incluído, en temporada baixa, en Budiño de Serraseca Turismo Rural, emprazada no concello de Oia. É un estabelecemento adherido á rede de empresas Abertos ao Galego.

 

 

O Apalpador entrégalle ao goberno español 10.000 sinaturas a favor da igualdade lingüística na nova Lei do Audiovisual

O Apalpador entregou esta mañá na delegación do goberno español na Coruña as 10.000 sinaturas recollidas pola Mesa pola Normalización Lingüística a prol da igualdade para a dobraxe e a lexendaxe en galego na nova Lei Xeral de Comunicación Audiovisual, dentro da Iniciativa Netflix en galego: queremos todo o audiovisual na nosa lingua. As persoas […]

O Apalpador entregou esta mañá na delegación do goberno español na Coruña as 10.000 sinaturas recollidas pola Mesa pola Normalización Lingüística a prol da igualdade para a dobraxe e a lexendaxe en galego na nova Lei Xeral de Comunicación Audiovisual, dentro da Iniciativa Netflix en galego: queremos todo o audiovisual na nosa lingua.
As persoas asinantes instan a Vicepresidencia de Asuntos Económicos e Transformación Dixital a incluír as medidas a favor da lingua galega acordadas por unanimidade no Parlamento Galego: que a nova Lei Xeral do Audiovisual recoñeza a pluralidade lingüística como principio básico, igualando contidos e porcentaxes mínimas en galego e castelán na dobraxe, lexendaxe e audiodescricións, así como no financiamento anticipado de producións audiovisuais nas canles e plataformas de televisión lineais ou baixo demanda; e que a Corporación de Radio Televisión Española emita todos os seus contidos con opción dobrada ao galego nomeadamente na programación da canle específica infantil e xuvenil e nos contidos da súa App.
“O Apalpador quere agasallar audiovisual en galego”, explicou o presidente da Mesa, Marcos Maceira, “e, por iso, lle fai entrega ao goberno español destas sinaturas que representan a vontade que ten a poboación galega de vivir en liberdade na súa lingua”. “A nova lei audiovisual comezará a se debater en febreiro”, explicou Maceira, “e o único que se sabe dela con certeza é o que di o proxecto: nada de financiamento para producións en galego, nada de dobraxe e lexendaxe en todos os filmes e series”. “Queremos igualdade para todas as linguas”, recordou, “queremos ter opción e liberdade para o galego no audiovisual“. “É posíbel un grande avance”, asegurou, “mais dependerá do que nos activemos e nos mobilicemos para o conseguir”. “Todos os avances para o galego foron conquistas que se acadaron nas rúas”, concluiu Maceira esta mañá na Coruña, “estaremos nas rúas se é preciso para termos galego no audiovisual“.

Recordamos que a boa disposición das plataformas respecto da igualdade lingüística é positiva, pero insuficiente

Perante a declaración conxunta ofrecida polas plataformas de vídeo, en resposta ao debate social sobre a nova Lei do Audiovisual do Estado, dende A Mesa pola Normalización manifestamos a nosa satisfacción pola boa disposición de Netflix, Filmin e Prime Video a dobrar e subtitular os produtos do seu catálogo ao galego, o euskara e o […]

Perante a declaración conxunta ofrecida polas plataformas de vídeo, en resposta ao debate social sobre a nova Lei do Audiovisual do Estado, dende A Mesa pola Normalización manifestamos a nosa satisfacción pola boa disposición de Netflix, Filmin e Prime Video a dobrar e subtitular os produtos do seu catálogo ao galego, o euskara e o catalán.

Porén, o presidente da entidade de defensa da lingua, Marcos Maceira, recorda que “a lei debe garantir que, cando haxa versión dobrada. sexa en todas as linguas oficiais e estabelecer un periodo transitorio con incentivos até chegar ao 100% da oferta”. “Se é necesario”. anuncia Maceira, “chamaremos á intensificar a mobilización para que o goberno do Estado garanta para todas as linguas o que para o español garante desde 1941”.

“A mobilización social a través de actos deslocalizados por toda a xeografía galega, a recollida de sinaturas e as acción da Mesa perante institucións e partidos”, recorda Maceira, “comezan a dar resultados, embora insuficientes“.

A Mesa convoca unha concentración este 22 de decembro na Coruña

O Apalpador coa dobraxe en galego O mércores 22 de decembro A Mesa pola Normalización Lingüística convoca unha concentración diante da Subdelegación do goberno na Coruña ás 11:30h., onde se fará entrega das sinaturas recollidas a favor da dobraxe en galego na nova lei do audiovisual e na que vai participar o Apalpador, nais, pais, […]

O Apalpador coa dobraxe en galego

O mércores 22 de decembro A Mesa pola Normalización Lingüística convoca unha concentración diante da Subdelegación do goberno na Coruña ás 11:30h., onde se fará entrega das sinaturas recollidas a favor da dobraxe en galego na nova lei do audiovisual e na que vai participar o Apalpador, nais, pais, nenas e nenos que queren poder gozar do audiovisual na súa lingua.

Xa está rexistrado no Congreso o proxecto de lei xeral de comunicación audiovisual pol que o debate para a súa aprobación decorrerá, probabelmente entre febreiro e xuño de 2022.

O proxecto presentado aínda non recolle todas as demandas e achegas que lle fixemos desde a aprobación unánime no parlamento galego da Iniciativa Xabarín para que a nova lei recollese a igualdade do galego nas cotas de emisión, financiamento de producións, dobraxe e lexendaxe. Dentro desta nova está publicado un informe detallaldo ao respecto https://www.amesa.gal/noticias/noticias-da-mesa/a-mesa-denuncia-frivolidade-e-desleixo-na-redaccion-da-nova-lei-do-audiovisual-do-estado .

Na Mesa coidamos que a lei debe avanzar moito máis. Nese sentido estamos xa traballando con outras entidades de defensa das linguas do Estado, e en comunicación con todos os grupos galegos con representación parlamentar.

Acude e participa!

Festa-agasallo para Manuel Lourenzo. 19 de decembro. 19 horas. Teatro Rosalía A Coruña

Prezadas socias, prezados socios: A Mesa súmase á festa-agasallo a Manuel Lourenzo o día 19 de decembro de 2021, ás 19.00 horas, no Teatro Rosalía da Coruña, e animámosvos a que participedes nesta homenaxe. Achegamos a tarxeta e o cartaz e sendos enlaces das redes sociais. Facebook: https://www.facebook.com/gzcultura/posts/4807605389298961 Twitter: https://twitter.com/gzcultura/status/1470362617470492677 Festa asasallo Manuel Lourenzo (183 kB)

Prezadas socias, prezados socios:

A Mesa súmase á festa-agasallo a Manuel Lourenzo o día 19 de decembro de 2021, ás 19.00 horas, no Teatro Rosalía da Coruña, e animámosvos a que participedes nesta homenaxe.

Achegamos a tarxeta e o cartaz e sendos enlaces das redes sociais.

Doazóns

Realiza unha achega económica puntual para axudar no funcionamento da asociación. Colabora aquí

Ler máis
Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis