O vicepresidente da Mesa, Carlos Outeiro, participa no acto, organizado por ADEGA, en que se proxectarán A memoria da lingua e A lingua galega, reflexións na etapa Feijoo.
ADEGA está a realizar un ciclo documental sobre diversos temas, dentro da campaña “Ponte no medio. Móvete polo territorio” e, dentro destas, o proxecto chamado “Cultura e territorio”.
Dentro deste ciclo, a última cuarta feira de cada mes proxectan dous documentarios sobre un tema e realizan un pequeno coloquio despois coas persoas asistentes para falaren sobre o visto. O primeiro día o tema será a lingua. Así, o vindeiro día 29 de maio, no refeitorio do Museo Provincial de Lugo, ás 20 h, proxectaranse A memoria da lingua, das Candongas do Quirombo, e A lingua galega, reflexións na etapa Feijoo, de Xosé Bocixa.
O vicepresidente da Mesa, Carlos Outeiro, participará no coloquio posterior xunto con Raquel das Candongas e Xosé Bocixa.