A Mesa pola Normalización Lingüística participará na charla-coloquio sobre a defensa da nosa toponimia organizada pola Agrupación Cultural Francisco LANZA esta quinta feira (xoves) 17 de novembro, ás 20,00h., na Casa do Vello Pancho en Ribadeo.
Participarán o alcalde de Ribadeo, Fernando Suárez Barcia, o presidente da Mesa pola Normalización Lingüística, Marcos Maceira, e en representación da agrupación, Francisco Campos Dorado, mariño mercante xubilado e gran estudoso do noso patrimonio.
Ademais, o Concello está a organizar unha exposición con documentación na que se acredita a tradición do nome “Ría de Ribadeo“. A exposición poderase visitar na Sala de Exposicións da Casa do Vello Pancho desde o día 17 até o 24 de novembro, e posteriormente noutro local do Concello que xa se fará público.
