Os dirixentes da Mesa participantes do acto recordaron que, tamén no referido á lingua, “obras son amores”.
Carlos Callón, Iria Taibo e Fran Rei subliñaron que, “desde que preside a Xunta Alberto Núñez Feijóo non se produciu nin un só adianto para o noso idioma”.
Os dirixentes da Mesa Carlos Callón, Iria Taibo e Fran Rei achegáronse ao rexistro da Xunta polo San Valentín. O motivo foi enviarlle unha carta ao presidente da Xunta e, aproveitando a data, tentar “tocar o seu corazonciño” para que “queira algo o galego”.
Desde A Mesa critican que, desde que Alberto Núñez Feijóo goberna Galiza, non se produciu nin un só adianto para o noso idioma e que os retrocesos “son constantes e de gravidade”.
No escrito reclaman que a Xunta de Galiza desenvolva unha política real de protección e fome
nto do idioma propio e reafirman a confianza en que a inmensa maioría das medidas contempladas no Plan xeral de normalización da lingua galega, apoiado por unanimidade no Parlamento galego, teñen aínda plena vixencia e son aplicábeis.
