A Mesa colabora na festa da nosa lingua en San Martiño de Trebello (Cáceres)

A Mesa pola Normalización Linguística e a Fundación Vía Galego apoian e colaboran cos colectivos que traballan pola normalización do galego nos lugares de Estremadura de lingua galega. A festa celebrarase os días 15, 18, 24, 25 e 26 de agosto no val do Xálima, no lugar de San Martiño de Trebello.

As actividades que están programadas xiran especialmente arredor da música e canto tradicionais, entre as foliadas organizadas contarán coa actuación do grupo galego Zurrumalla. Os actos rematarán o día 26 coa entrega do premio Boiga do Viñu que se lle dará a unha persoa ou colectivo que destaque polo seu traballo en defensa e promoción do galego.

Desde a Mesa e a Fundación Vía Galego apoiamos estas actividades que contribúen a promocionar o uso do galego máis aló da fronteira administrativa galega e neste sentido, tamén estamos en contacto e colaboración con outras zonas de fala galega como poden ser o Bierzo ou a comarca do Eo-Navia.

Recibe todas as noticias da Mesa no teu correo electrónico

Subscrición á ReMesa

Carriño da compra