A Mesa denunciará perante o Consello de Europa a exclusión dos medios en galego das axudas polo uso do galego

A Mesa denunciará perante o Consello de Europa que nas axudas a medios impresos en galego só fique fóra o único medio impreso en galego, Nós Diario.

A entidade en defensa da lingua lembra que o artigo 12 da Carta europea das linguas é moi clara respecto ás obrigas de apoiar os medios en lingua propia por parte das autoridades e, neste caso, da Xunta de Galiza

 

A Carta Europea da Linguas di no seu artigo 12 que os poderes públicos se comprometen a:
– fomentar e/ou facilitar a creación e/ou mantemento cando menos dun órgano de prensa en lingua minorizada.
e a:
– cubrir os custos suplementarios dos medios de comunicación que utilicen as linguas rexionais ou minoritarias, en caso de que a lei prevexa unha asistencia financeira en xeral para os medios de comunicación.
Nada disto acontece en Galiza. Os medios en galego sempre fican excluídos.
A política que aplica a Xunta de Galiza ao respecto non só é incumprimento flagrante dun tratado internacional que debe cumprir. É, tamén, inversión do seu contido: faise xustamente o contrario!!!
Non podemos consentir que os medios en galego fiquen sen as axudas para publicar en galego só por publicaren en galego.

Recibe todas as noticias da Mesa no teu correo electrónico

Subscrición á ReMesa

Carriño da compra