Noticias Noticias da Mesa

A Mesa participa na semana do libro de Compostela

A Mesa pola Normalización Lingüística estará presente esta quinta feira (xoves) 7 de xuño na segunda edición da Semana do Libro de Compostela (SELIC) en horario de tarde.

A Semana do Libro de Compostela é unha aposta do Concello de Santiago e a Mesa do Libro de Compostela co fin de apostar pola cultura e a lingua galega co libro como especial protagonista. Ademais esta feira nace para atender as demandas das librarías e editoriais da capital galega nun formato máis innovador que o das feiras do libro tradicionais.

A SELIC xira arredor do libro, mais tamén están programadas outras actividades que invitan á participación de toda clase de públicos como son; as presentacións e sinaturas de exemplares, visitas guiadas pola cidade, espectáculos infantís, actuacións musicais, mesas redondas e obradoiros.

Achégate polo posto da Mesa a partir das 17:00h no espazo efémero da carpa da SELIC situada na praza da Quintana.

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis