Apoio á manifestación pola liberdade e absolución das persoas encausadas na “Operación Jaro”

A defensa de calquera ideoloxía democrática é un dereito fundamental e como tal debe ser protexido e non criminalizado.

As persoas encausadas na denominada “Operación Jaro” son activistas de diferentes causas entre elas a da defensa da lingua galega. Pódense compartir ou non os seus principios ideolóxicos mais o seu dereito a expresarse, a solidarizarse e a actuar libremente na sociedade deben ser afirmados con rotundidade.

Por tanto, reclamamos para elas e eles a liberdade e a absolución e chamamos a participar na manifestación que terá lugar o domingo 18 de outubro ás 12h na Alameda de Santiago.

A Mesa pola Normalización Lingüística estará atenta ao desenvolvemento do xuízo por se se produciren vulneracións dos dereitos lingüísticos das persoas acusadas para denuncialo, se for preciso, perante organismos internacionais.

Recibe todas as noticias da Mesa no teu correo electrónico

Subscrición á ReMesa

Carriño da compra