Nova incorporación: Cafécongotas – Comunicación Visual; novidades de Edicións Positivas, Pizzbur e Baía Edicións
– Damos a benvida a unha nova empresa que se incorpora a Abertos ao Galego: Cafécongotas – Comunicación Visual, unha empresa de deseño gráfico e web: http://www.amesanl.org/gl/novas/amosar/id/388
– Desde Edicións Positivas lembran que teñen en marcha unha campaña de subscricións á Obra Completa de Roberto Vidal Bolaño, que supón o aforro dun dos seis tomos. Pódese recibir máis información en positivas@edicionspositivas.com ou no teléfono 981553051.
– Desde Pizzbur cóntannos que no seu restaurante As Tixolas están a facer as xornadas do cocido con pratos coma sopa de cocido, cocido completo, chosco con repolo, lacon con grelos e croquetas de cocido. Os socios e socias da Mesa teñen un 10% de desconto no xantar ou na cea.
– Baía Edicións preséntanos as tres últimas publicacións da colección Meiga Moira de Literatura infantil e xuvenil, entre as que se encontra a gañadora do V Premio Meiga Moira 2012, Bandeiras negras, de Ana María Galego Gen (e con ilustracións de Cristal Reza). Tamén publican A neve e o lume, de Chelo Suárez (con ilustracións de Carlos Silvar) e O segredo do lagarto arnal, de Andrea Maceiras (con ilustracións de Noemí López Vázquez).
