Será o 5 de outubro na Escola Oficial de Idiomas de Ferrol.
Para aquelas socias e aqueles socios que quixeren, faremos un xantar nese mesmo día, cun custo máximo de vinte euros. É necesario apuntarse antes do día 2 de outubro no correo-e amesa@amesanl.org.
CARTA DE CONVOCATORIA
Prezada compañeira,
Prezado compañeiro,
Por medio da presente, ficas convocada/o á Asemblea Xeral de Socias e Socios que A Mesa pola Normalización Lingüística realizará o vindeiro 5 de outubro na Escola Oficial de Idiomas de Ferrol (rúa Real, 29 [a carón da praza de España]), ás 10.30 horas en primeira convocatoria e ás 11 h en segunda convocatoria (prevese o comezo a esta segunda hora). A Mesa quere continuar co proceso para achegar cada ano a súa asemblea xeral a un concello diferente de Galiza, iniciado o ano pasado en Ourense.
A orde de traballos é a seguinte:
1. Debate e aprobación do Regulamento da Asemblea Xeral.
2. Lectura e aprobación da acta da asemblea anterior.
3. Admisión e ratificación de altas e baixas.
4. Exposición e aprobación do Informe de Xestión.
5. Exame e aprobación do Informe Económico do exercicio pasado.
6. Exposición e aprobación da liña de actividades para o próximo ano.
7. Debate e aprobación do orzamento para o próximo exercicio.
8. Rogos e preguntas.
Se tes interese en recibir máis información sobre a proposta de regulamento, por favor solicítao por correo-e a amesa@amesanl.org e serache enviado por ese mesmo procedemento.
Ademais, para aquelas socias e aqueles socios que quixeren, faremos un xantar nese mesmo día, cun custo máximo de vinte euros. É necesario apuntarse antes do día 2 de outubro no correo-e amesa@amesanl.org.
Unha forte e animosa aperta,
Carlos Manuel Callón Torres
Presidente da Mesa pola Normalización Lingüística
Santiago de Compostela, 12 de setembro de 2013
