Convidadas polo Intergrupo de linguas minorizadas do Parlamento europeo, composto por eurodeputados de todos os grupos parlamentares (NI, PPE, Renew, ECR, Verds-ALE, ID e SD) para coñecer as dificuldades que supón a nova lei audiovisual para a normalización da nosa lingua e para a supervivencia do sector audiovisual galego. As persoas intervintes instarán a que a resolución do Parlamento europeo sobre a aplicación da directiva europea garanta a igualdade de condicións para todas as linguas propias.
Contará coa intervención de:
· Marcos Maceira, en representación da Mesa Galega pola Normalización Lingüística.
· Xosé Lois Ledo, en representación de Asociación Galega de Produtoras Independentes (AGAPI).
· Soliña Barreiro, en representación do Grupo de Estudos audiovisuais da USC.
A Mesa denunciará a vulneración do principio de pluralidade lingüística e cultural contido na directiva europea por parte do goberno español tanto na aprobación da lei audiovisual como no incumprimento dos seus mínimos por CRTVE.
Ao rematar a comparecencia, representantes da Mesa manterán un encontro co Secretariado do Consello de Europa para Carta Europea das Linguas na sede do organismo internacional.
