Noticias Noticias da Mesa

A Mesa consegue o apoio da ELEN para a ILP Sentido Común

A ILP para garantir os dereitos lingüísiticos no ámbito económico acada apoio internacional

A Mesa mantén a súa actividade grazas ás socias e socios.
Colabora connosco asociándote

O presidente da Mesa e vicepresidente de ELEN Marcos Maceira, atópase en Valencia na xuntanza anual da Rede Europea para a Igualdade das Linguas (ELEN), que se celebra esta fin de semana no centro Octubre de Valencia.

A asemblea xeral que organiza a ELEN, ten dous obxectivos principais; o primeiro, debater sobre os dereitos lingüísticos e os tipos de normas legais que existen neste eido, e o segundo, conmemorar o 25 aniversario da Carta europea das linguas rexionais e minoritarias.

Na xuntanza danse cita até 45 idiomas rexionais ou minoritarios de toda Europa. A lingua galega está presente grazas á participación da Mesa pola Normalización Lingüística.

O presidente da Mesa e vicepresidente de ELEN Marcos Maceira, fixo unha intervención ante os representantes das 150 entidades e 23 Estados europeos que participan na reunión. Ante estas persoas Maceira expuxo o traballo que desenvolve a asociación en defensa e promoción do galego. Neste sentido, presentoulle o resultado da iniciativa lexislativa popular (ILP) que a Mesa levou adiante para garantir os dereitos lingüísiticos no ámbito socioeconómico, e que contou con amplo apoio social -28.000 sinaturas e ducias de empresarios e empresarias-.

Pola súa banda, o presidente de ELEN Ferran Suay, avanzou o apoio da Rede á proposta lexislativa da Mesa pola Normalización Lingüísitica por ser “unha medida positiva para mellorar os dereitos lingüísiticos e unha aplicación adaptada á realiade galega do protocolo de Donostia” argumentou Suay.

Finalmente, Maceira expresou a súa satisfacción por acadar apoio internacional cara á ILP promovida pola Mesa e declarou: “hoxe non só conseguimos o apoio da ELEN e dos seus membros, senón que se demostra a importancia, relevancia e necesidade de que esta proposta se aprobe para mellorar e protexer os dereitos lingüísticos en Galiza”.

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis

Panel de preferencias de privacidade

Close your account?

Your account will be closed and all data will be permanently deleted and cannot be recovered. Are you sure?