Prezada/o socia/o, amiga/o: Durante o mes de agosto a oficina está pechada por vacacións.


Noticias da Mesa

A administración pública experta en deturpar toponimia

O Concello de Redondela incumpre a Lei de normalización lingüística

 

Santiago de Compostela, 06 de abril de 2018.- A Mesa pola Normalización Lingüístican denuncia que na versión en castelán da recentemente estreada páxina web do Concello de Redondela figuran topónimos deturpados como é o caso de playa Punta del Cabo ou Colmillo.

Este non é un caso illado dentro do incumprimento da Lei de normalización lingüísta por parte dunha administración pública, xa que días atrás por exemplo  Adif-Renfe, dependente do Ministerio de Fomento, deturpou topónimos galegos en numerosas ocasións, algo que tamén acontece no Boletín Oficial do Estado.

Por iso non sorprende que no informe da Liña do galego do 2017 ao igual que en anos anteriores máis da metade, un 56%, das queixas, refírense á administración pública, tanto estatal como autonómica e local. Ademáis neste informe as queixas por deturpación toponímica representan un 18% do total das recibidas.

As administración pública deberían lembrar que a  Lei 3/1983, do 15 de xuño, de normalización lingüística recolle no artigo 10 que “os topónimos de Galiza terán como única forma oficial a galega”, así como que “estas denominacións son as legais a todos os efectos”.

Co fin de cumprir esta obriga, lembrámoslle ao Concello de Redondela que  pode consultar o Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra, e onde aparecen as formas toponímicas xenuínas e oficiais.

 

Así mesmo, desde a Mesa pola Normalización Lingüística solicitámoslle ao Concello de Redondela que corrixa os topónimos deturpados e empregue sempre as formas galegas oficiais.

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis