Noticias da Mesa

A empresa de tradución Eureco Galicia incorpórase a Abertos ao Galego

Desde Milladoiro (Ames) traballan cunha grande rede de colaboradores para ofertar servizos de tradución de máxima calidade

A Mesa mantén a súa actividade grazas ás socias e socios.
Colabora connosco asociándote

Rocío Ignacio, tradutora xurada de alemán, é a xerente de Eureco Galicia Tradutores, e hai uns días estivemos visitándoa nas instalacións da empresa no Milladoiro. Explicounos que traballan traducindo a castelán (sobre todo) e galego desde todas as linguas, e viceversa. A empresa conta cunha ampla rede de colaboradores, profesionais nativos que seleccionan coidadosamente para cada proxecto tendo en conta o seu campo de especialización (automoción, económico-financeiro, tecnoloxías da información, industria, xurídico, médico-farmacéutico e enerxías renovables).

 

A súa carta de servizos inclúe traducións de textos moi diversos: desde sinxelas cartas comerciais a proxectos máis complexos de xestión multilingüe, como a tradución de manuais técnicos ou páxinas web a varios idiomas. A súa especialidade é a tradución xurada (oficial) de todo tipo de documentos: contratos, estatutos, escrituras notariais, diplomas ou certificados de estudos, etc. Ademais, tamén ofertan servizos de revisión e corrección de textos.

 

As súas principais linguas de traballo son o alemán, portugués, inglés, francés, italiano, catalán e éuscaro, aínda que tamén poden asumir proxectos noutras linguas.

 

O valor engadido de Eureco Galicia é o seu rigoroso control de calidade, que pode dividirse en tres fases. A primeira corresponde á pretradución: análise do documento orixinal e da documentación de que dispoñan. A segunda é a tradución propiamente dita (se é preciso, con axuda de programas especiais e glosarios personalizados para cada cliente). A terceira consiste na edición e revisión a todos os niveis, en particular a terminoloxía, insistindo especialmente na adaptación do texto á lingua e país de destino.

 

En relación co galego, Eureco Galicia é unha empresa comprometida co seu uso, xa que as persoas que compoñen a empresa teñen o galego como lingua habitual. As características do seu traballo fan que habitualmente traballen con moitas linguas diferentes, mais a súa comunicación interna faise exclusivamente en galego.

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis

Panel de preferencias de privacidade

Close your account?

Your account will be closed and all data will be permanently deleted and cannot be recovered. Are you sure?