Noticias da Mesa

A Mesa anima a apoiar o filme Gartxot, que se estrea lexendado en galego este 23 de marzo nos Multicines Compostela da capital de Galiza

A entidade cidadá propón facer “consumo responsábel” co cinema que “ten en conta” o galego acudindo a ver a longametraxe

A Mesa mantén a súa actividade grazas ás socias e socios.
Colabora connosco asociándote

Esta sexta feira (venres) 23 de marzo terá lugar en Galiza a estrea de Gartxot, konkista atzineko konkista (‘Gartxot, a conquista antes da conquista’), unha longametraxe de animación para adultos feita integramente en euskera que chega ás nosas salas con subtítulos en galego.

O filme, que se proxectará nos Multicines Compostela da capital de Galiza, vén precedido dunha moi boa acollida por parte do público e da crítica.

A Mesa, que ao longo da súa historia impulsou todo tipo de iniciativas sociais para lograr unha maior presenza do galego nas salas de cinema, parabeniza a iniciativa dos creadores e da produtora de Gartxot de subtitular o filme en galego no seu paso por Galiza e anima a cidadanía a apoiar aquelas producións que “teñen en conta” a nosa lingua acudindo a velas e difundindo a súa existencia.

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis