Noticias da Mesa

A Mesa convoca unha concentración diante do xulgado de Compostela en apoio á demanda contra o SERGAS por discriminación lingüística

A concentración baixo o lema “Polo dereito a vivirmos en galego” terá lugar o 21 de xullo, ás 9.30 no Xulgado de Santiago

A Mesa pola Normalización Lingüística convoca unha concentración o vindeiro 21 de xullo, ás 9.30h, diante do Edificio dos Xulgados en Santiago de Compostela, en apoio ao paciente que demandou ao Servizo Galego de Saúde por vulnerar os seus dereitos lingüísticos.

O xuízo que se inicia o día 21 está motivado pola dilación inxustificada e indebida nunha operación, que o Sergas retrasou máis de 16 meses polo feito de o paciente solicitar asinar o consentimento informado da mesma en galego. Esta foi a última dunha serie de vulneracións dos dereitos lingüísticos do paciente que se repetiron en diversos hospitais galegos entre 2010 e 2014 e que o levaron a presentar unha demanda contra o Servizo Galego de Saúde por discriminación lingüística reiterada.

 

Día: Terza feira, 21 de xullo

Hora: 9.30

Lugar: Edificio dos Xulgados de Fontiñas, rúa Viena s/n, Santiago de Compostela

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis