Bergantiños Noticias da Mesa

A Mesa de Bergantiños denuncia o uso do galego deturpado na sinalización instalada recentemente no concello da Laracha e exixe a súa corrección

“Mirador” ou “Centro urbán” son algúns dos casos que denuncia a asociación

A Mesa mantén a súa actividade grazas ás socias e socios.
Colabora connosco asociándote

A Laracha, 14 de novembro. O responsábel da sección da Mesa pola Normalización Lingüística en Bergantiños, Xosé Cotelo, vén de entregar un escrito no Rexistro do concello da Laracha solicitando a modificación dos rótulos que deturpan a nosa lingua propia substituíndo o termo en galego “Miradoiro” polo seu homólogo en castelán “Mirador”. Tamén en Caión se fixo un uso incorrecto do galego empregando “Centro urbán”, en troca de “Centro urbano”.

 

Para a sección comarcal da Mesa en Bergantiños “este é un exemplo máis de desleixo por parte do goberno local á hora do uso do galego que trata o galego como lingua vulgar e de segunda categoría” e exixe ao goberno do concello larachés “un maior compromiso coa nosa lingua propia”.

 

Xosé Cotelo “lamenta que o goberno local continúe aumentando o seu curriculum en casos de maltrato á nosa lingua propia” e amosou a preocupación da Mesa de Bergantiños “por estas actitudes de desleixo que trasladan á sociedade un modelo de lingua deturpado e desnaturalizado” e exixe ao concello “unha maior implicación e mellor uso do galego”.

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis