Noticias da Mesa

A Mesa denuncia que a Deputación da Coruña exclúe o galego na súa nova sinalización viaria

A asociación en defensa da lingua presentou unha queixa ante a institución que preside Diego Calvo polo incumprimento da Lei de Administración local de Galiza e a normativa sobre a sinalización das estradas

A Mesa mantén a súa actividade grazas ás socias e socios.
Colabora connosco asociándote

Santiago de Compostela, 4 de xullo de 2013. A Mesa pola Normalización Lingüística denunciou esta mañá unha nova exclusión do galego nos sinais que a Deputación da Coruña está a colocar nas estradas da provincia, vulnerando a lexislación vixente.

 

A Mesa dirixiuse á institución presidida por Diego Calvo para presentar unha queixa formal e instala a substituír esta sinaléctica por outra en galego que se axuste á legalidade.

 

Segundo as queixas recibidas pola asociación, a Deputación da Coruña está a colocar diversos sinais nas estradas da súa titularidade, como por exemplo a desta fotografía na vía Coruxo-Oleiros, indicando a necesidade de respectar os ciclistas e as distancias de seguridade.

 

Esta exclusión é contraria á lexislación aplicábel, como o artigo 5.3 do Estatuto de Autonomía, o artigo 6.3 da Lei de normalización lingüística, e sobre todo incumpre a Lei 5/1997, do 22 de xullo, de Administración Local de Galiza, que no seu artigo 7 promulga que “o galego, como lingua propia de Galiza, éo tamén da súa Administración Local”, e continúa dicindo que “todos os actos de carácter público ou administrativo que se realicen por escrito en nome das corporacións locais redactáranse en lingua galega”, o que inclúe os rótulos e sinais da vía pública e dos edificios municipais.

 

A Mesa lembrou máis unha vez que nin sequera no caso de sinalizcións dependentes da administración estatal ou das súas concesionarias é legal a exclusión do galego, segundo o estipulado no Real Decreto 334/1982 sobre sinalización de estradas, aeroportos, estacións ferroviarias, de autobuses e marítimas e servizos públicos de interese xeral noámbito das Comunidades Autónomas con outra lingua oficial distinta do castelán (BOE núm. 50, de 27 de febreiro de 1982).

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis