Noticias Noticias da Mesa

A Mesa exíxelle ao PP que abandone a política de manipulación dirixida ao exterminio do galego

A Mesa exíxelle ao Partido Popular que deixe de traballar pola completa desaparición da nosa lingua, despois de que o PP da Coruña reclamase que o galego non sexa lingua vehicular nas escolas infantís municipais da cidade. “Se o que queren é eliminar a liberdade de utilización plena e a posibilidade dun mínimo coñecemento da nosa lingua”, advirte o presidente da entidade, Marcos Maceira, “deben dicilo con claridade, explicando as razón dese desprezo pola lingua de Galiza e deixar de empregar argumentos falsos para facer valer unha posición que só indica desprezo absoluto polos galegos e polas galegas e pola súa lingua”.
A entidade de defensa da lingua manifesta os seus parabéns ao concello da Coruña, por facer uso das súas competencias e incidir na necesidade de o galego ser a lingua vehicular nas escolas infantís municipais e espera que esta iniciativa sexa recollida polo conxunto de concellos de Galiza. Lembran que, no último estudo que realizou sobre a educación no curso 16/17, o 89,19% dos centros da cidade empregaba moi maioritariamente ou exclusivamente o castelán como lingua de aprendizaxe. Pola contra, os centros que declaraban empregar maioritariamente o galego como lingua de aprendizaxe eran o 2,70%. Só un 8,11% dos centros, dicía equiparar o emprego de ambas as linguas.

“A exclusión do galego froito da política de eliminación promovida polo PP desde 2009, con Alberte Núez Feixoo como presidente, e que agora pretende reimpulsar o PP da Coruña”, denuncia Maceira, “foi de especial virulencia nas etapas infantís e nos espazos de lecer”. Outro estudo da Mesa sobre a programación televisiva indica como os contidos específicos en galego para o público infantl e xuvenil se cinguen ao 4,6% do total na programación diaria e cae ao 2,7% na fin de semana. Mentres, só o 0,6% dos xogos e xoguetes que se encontran no mercado teñen opción de galego, segundo o informe publicado ao respecto.

O propio IGE indicou recentemente que o 24% dos menores de 15 anos din ser incapces de falr galego. “Esta é a situación á que levou o idioma de Galiza a última década de agresión desde os poderes públicos que teñen a obriga de promover o galego”, asegura o presidente da Mesa, “incluído o Concello da Coruña”. “Esta situación alertou tanto ao comité de expertos para a Carta Europea das lingua rexionais e minorizdas do Consello de Europa como ao propio Comité de Ministros”, remata, “que indicou expresamente que as restricción ao ensino de galego en Galiza deben ser eliminadas”.

A Mesa mantén a súa actividade grazas ás socias e socios.
Colabora connosco asociándote

Doazóns

Realiza unha achega económica puntual para axudar no funcionamento da asociación. Colabora aquí

Ler máis
Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis