Noticias da Mesa

A Mesa insta a Feijóo a que “promulgue un decreto que si se axuste ao Estatuto, á Lei de Normalización, ao Plan de Normalización e á Carta Europea das Linguas”

Carlos Callón: “Só hai un camiño digno para o decreto-zombi contra o galego: a súa derrogación”.

A Mesa mantén a súa actividade grazas ás socias e socios.
Colabora connosco asociándote

A Mesa pola Normalización Lingüística, a primeira entidade que gañou unha sentenza do TSXG contra o “mal chamado decreto do plurilingüismo”, considera que Alberto Núñez Feijóo “continúa sen asumir o enorme pau xudicial” e por iso pretende “manter en vigor un decreto cadaverizado polo Tribunal Superior”.

 

O presidente da maior asociación cultural de Galiza, Carlos Callón, sinala que “o que ten que facer o presidente da Xunta é procurar unha nova norma que si se axuste ao Estatuto, á Lei de Normalización Lingüística, ao Plan Xeral de Normalización da Lingua Galega e á Carta Europea das Linguas, non tentar manter até o último suspiro un decreto cuxos principais artigos foron declarados ilegais con todas as letras”. “Só hai un camiño digno para o decreto-zombi contra o galego: a súa derrogación”, subliña o portavoz da Mesa.

 

Por iso, a organización cidadá reclama que Núñez Feijóo “deixe de mentir” e “asuma as contundentes sentenzas do TSXG, que rexeitaron por ilegais os núcleos do decretazo contra o galego, que son tamén os núcleos do discurso lingüístico do PP”.

 

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis