Ferrol Noticias da Mesa

A Mesa rexeita que desde Alcaldía teñan paralizado o Consello Municipal da Lingua de Ferrol

A súa constitución produciuse con antelación ao Día das Letras Galegas por mala conciencia do PP de Ferrol logo de múltiples ataques ao galego

A Mesa demanda do PP que a cultura e a lingua propias sexan factores de impulso económico e creación de emprego

A Mesa mantén a súa actividade grazas ás socias e socios.
Colabora connosco asociándote

Ferrol, 07 de setembro de 2012.- A Mesa pola Normalización Lingüística critica que logo de tardar un ano en constituír o Consello Municipal da Lingua de Ferrol, agora o PP leve 4 meses sen convocar unha xuntanza.

O responsábel comarcal da Mesa, Carlos Outeiro, denuncia qua a situación de parálise é tal que desde Alcaldía nin sequera contestan ás reiteradas solicitudes de coñecer a proposta do PP para a composición do CML. A día de hoxe nin se coñecen os definitivos integrantes deste CM

O PP é consciente do inxusto e impopular que son os ataques ao noso principal sinal de identidade colectiva, o galego, polo que nas proximidades do Día das Letras Galegas formalizou a creación do CML. Mais é a pequenos sectores contrarios ao normal proceso de normalización do galego aos que prefire contentar paralizando este órgano de participación social.

A organización cidadá en defensa da lingua demanda que o PP deixe de gobernar de costas aos intereses da sociedade sumándose ao contexto estatal e europeo no que cada pobo pon en valor a cultura e lingua de seu como factores de impulso económico e xeradores de emprego.


 

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis