Noticias da Mesa

A Mesa solicitará ao PSdG-PSOE a desautorización do seu grupo municipal en Cee contrario á presenza do galego

Os socialistas de Cee negáronse a apoiar o Regulamento para o impulso social da lingua galega de Cee que declaraba oficial o galego no concello baseándose en mentiras cargadas de odio contra a lingua

A Mesa de Cee acudiu ao pleno a protestar por esta actitude “incomprensíbel e vergoñenta” e anuncia unha intensa campaña informativa

Alex López, reponsábel local da Mesa: “Se algo hai que desterrar da Costa da Morte e de Cee non é o galego, é o odio á lingua e a todo canto nos é propio”

 

A Mesa mantén a súa actividade grazas ás socias e socios.
Colabora connosco asociándote

Cee, 6 de novembro de 2015-. A Mesa pola Normalización Lingüística mostrou hoxe o seu rexeitamento á actitude do grupo municipal socialista de Cee que rexeitou a aprobación do regulamento de impulso social ao galego debatido no pleno.

Previamente o presidente da Mesa, Marcos Maceira, remitira un escrito a todos os grupos lembrándolles o acordo de todos os partidos de Galiza na Declaración de Unidade a prol da normalización da lingua galega, instándoos a votar a favor do impulso mínimo á lingua galega que supón este regulamento, e potenciar no concello actitudes favorábeis ao idioma e á súa oficialidade, amparadas por lexislación que aínda está sen cumprir, especialmente a 5/1988 sobre o uso do galego como lingua oficial de Galiza polas administracións locais, e outras disposicións legais tamén citadas como a Lei de Normalización Lingüística, a Carta Europea das Linguas, a Declaración Universal dos Dereitos Lingüísticos, ou acordos como o Plan Xeral de Normalización da Lingua Galega.

Segundo indicou o presidente da Mesa, Marcos Maceira, “todos os estudos realizados indican a gravidade da situación da lingua galega, tamén no concello de Cee, reflexo dunha realidade na que mesmo a posibilidade de uso e de facer unha vida normal en galego está moi limitada incluíndo a  administración local. Esta é a situación que hai que reverter para que o galego viva”. Para a Mesa, actitudes como a PSOE de Cee só buscan reducir aínda máis a xa escasa presenza do galego, despoxando ás e aos galegofalantes dos seus dereitos como unha vía máis para eliminar a lingua de Galiza.

Neste caso, indicou, “nin sequera se poden acoller ao falso argumento da exclusión do castelán xa que o artigo 1 do regulamento, no seu segundo punto, di: “o galego será lingua oficial no concello de Cee, como tamén o castelán, lingua oficial en todo o Estado”. “Fica claro entón que detrás disto só hai odio á nosa lingua, ao nosa maior creación colectiva como pobo e principal elemento da nosa identidade, e que só se pretende manter a súa exclusión para que utilizalo en todos os aspectos da vida continúe a ser un problema” engadíu Maceira, que ademais mostrou a súa sorpresa por ser o PSdG-PSOE o impulsor do rexeitamento a unha acción mínima favorábel ao galego, cando no mes de xullo non tivo ningún problema para comprometerse na Declaración de Unidade xunto con outros partidos de Galiza.

IMG-20151105-WA0013Por isto a Mesa, que mostrou a súa posición no propio pleno, ao que asistiron varios membros da entidade de Cee e da Costa da Morte, pedirá a desautorización do grupo socialista ceense por parte do seu partido e animou de xeito concreto ao conxunto da militancia socialista, realmente favorábel ao idioma galego, a mostrar tamén o rexeitamento a esa actitude vergoñenta dos seus edís en Cee.

Pola súa parte, o responsábel da Mesa na Costa da Morte, Alex López, preguntouse “a quen pode ofender que o galego teña unha presenza real e efectiva na vida dun concello da Costa Morte?. “O que era un atraso é que en pleno 2015 non existise no concello de Cee unha norma que amparase o dereito das e dos ceenses a utilizaren o galego”, e reclamou “máis pasos para normalizar plenamente o uso do galego en Cee en toda a Costa da Morte, para que falar e vivir en galego en Cee, hoxe, deixe de ser un problema”. “Se algo hai que desterrar da Costa da Morte e de Cee, non é o galego, é o odio a todo canto nos é propio”.

A Mesa pola Normalización na Costa da Morte, a través do seu responsábel Alex López, anunciou que a entidade xa está a traballar no deseño dunha ampla e intensa campaña social en Cee para informar sobre que é o Regulamento de potenciación do uso do galego.

Finalmente o regulamento foi rexeitado polo pleno cos votos de Ciudadanos, PSOE, e PP, tras propor este último agardar un informe xurídico que o avalase, polo que será debatido no próximo pleno. Porén, a única actitude abertamente hostil contra o galego veu do grupo municipal socialista e nomeadamente do concelleiro Modesto Rivas quen ademais non dubidou en utilizar argumentos machistas para cargar contra o idioma e contra a utilización da linguaxe inclusiva contemplada no Regulamento.

 

Activistas da Mesa no pleno de Cee.

 

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis

Panel de preferencias de privacidade

Close your account?

Your account will be closed and all data will be permanently deleted and cannot be recovered. Are you sure?