Noticias da Mesa

A Mesa valora o nomeamento de Valentín García na Secretaría Xeral de Política Lingüística como “mostra dun continuísmo que non presaxia nada bo”

A entidade advirte dos “difíciles retos” aos que se terá que enfrentar o novo titular da política lingüística da Xunta

A asociación en defensa do galego agarda do novo responsábel “a corrección institucional e a capacidade do diálogo de que careceu o seu antecesor”

A Mesa mantén a súa actividade grazas ás socias e socios.
Colabora connosco asociándote

A Mesa pola Normalización Lingüística valora o nomeamento de Valentín García Gómez como novo Secretario Xeral de Política Lingüística de “continuísmo que non fai presaxiar nada bo”.

A asociación recorda que o recén nomeado xa viña colaborando coa Secretaría Xeral como coordinador dunha suposta Rede de Dinamización da Lingua Galega que mellor habería que denominar “Rede de Dinamitación da Lingua Galega”, pois o seu único resultado concreto foi polo de agora o feche de 16 servizos de normalización lingüística noutros tantos concellos.

A Mesa considera que o novo Secretario Xeral de Política Lingüística ten perante si importantísimos retos aos que debe dar resposta:

–          Garantir que a Xunta de Galiza cumpra a Lei de Normalización Lingüística e o Plan Xeral de Normalización da Lingua Galega, que foron froito no seu día da unanimidade parlamentaria e do consenso político e social.

–          Refacer todo o desfeito desde que goberna Alberto Núñez Feijóo.

–          Comportarse coa corrección institucional da que sempre careceu o seu antecesor, Anxo Lorenzo, e ter unha capacidade para escoitar e dialogar que, directamente, nunca existiu na última etapa da Secretaría Xeral de Política Lingüística.

A entidade que preside Carlos Callón precisa, porén, que vai facer falta “máis que a simple vontade persoal” de Valentín García para atender e dar cumprida resposta aos anteditos retos, toda vez que a Secretaría Xeral que vai dirixir non pasa de ser, no actual contexto, un simple “adorno institucional” sen case capacidade de incidencia económica nin política.

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis