Noticias da Mesa

A Policía Nacional de Ferrol negouse atender a denuncia dun cidadán porque falaba en galego

 “Si quieres algo te vienes por la comisaría y se lo intentas contar a alguien que te entienda” foi a resposta do funcionario antes de colgar o teléfono

 A Mesa lembra que o Estatuto Básico do Empregado Público considera “falta disciplinaria moi grave” a discriminación por razón de lingua

 Marcos Maceira: “A policía debe servir e respectar á cidadanía, non desprezala por usar a súa lingua”

Santiago de Compostela, 16 de abril de 2015. A Mesa pola Normalización Lingüística denuncia un caso de discriminación lingüística na Comisaría da Policía Nacional en Ferrol, onde se incumpriu a lexislación sobre a oficialidade do galego e se vulneraron gravemente os dereitos dun cidadán ao lle negar atención polo feito de se expresar en galego.

 

Segundo as queixas recibidas pola Mesa a través da Liña do Galego, un funcionario da comisaría de Ferrol negouse a atender a chamada dun cidadán porque este se expresaba en galego. O feito tivo lugar o pasado domingo 12 de abril cando un veciño de Caranza chamou por teléfono á comisaría de Ferrol para informarse de como denunciar un ataque informático do que fora vítima no seu computador persoal. Ao comezar a expor o seu caso, o funcionario que atendía o teléfono pediulle que se dirixise a el en español, e ao se negar este cidadán a cambiar de lingua manifestando que tiña dereito a se expresar en galego, o funcionario colgoulle o teléfono tras instalo a que se quería algo fose pola comisaría e intentase contarllo “a outra persoa que o entendese”.

 

A Mesa salientou que o feito de non ser atendida a súa denuncia só polo feito de se expresar no seu idioma supón unha grave prexuízo e unha inadmisíbel discriminación para este cidadán. Esta situación vulnera claramente non só a lexislación vixente sobre os dereitos lingüísticos da cidadanía na súa relación coa Administración senón tamén o deber dos empregados públicos de tratar co respecto que merece a toda a cidadanía. Neste sentido, a entidade en defensa do idioma lembrou que alén da lexislación xeral sobre a oficialidade do galego, o artigo 54.11 da Lei 7/2007 do estatuto do empregado público estabelece que os empregados públicos de calquera administración, entidade ou empresa pública  “garantirán a atención ao cidadán na lingua que o solicite sempre que sexa oficial no territorio”; e que o artigo 95.2.b desta mesma Lei 7/2007 considera falta disciplinaria moi grave a discriminación por razón de lingua.

 

Segundo sinalou o presidente da Mesa, Marcos Maceira, “é inadmisíbel que unha agresión como esta parta dun corpo que debería velar polo cumprimento dos dereitos da cidadanía e non desprezalos atacando a quen os fai valer”.

 

A Mesa dirixiuse tanto á Comisaría de Ferrol como ao Valedor do Pobo, o Ministerio do Interior e a SXPL para denunciar estes feitos e exixir que a Policía Nacional cumpra a lexislación e se garantan os dereitos lingüísticos da cidadanía galega.

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis

Panel de preferencias de privacidade

Cookies de amesa.gal

Usadas para nativamente pola plataforma Wordpress e tamén polo plugin de control do RXPD.

__atuvc, __atuvs, gdprprivacy_bar, gdpr[allowed_cookies], gdpr[consent_types], wordpress_logged_in_{hash}, wordpress_sec_{hash}, wordpress_test_cookie, wp-settings-1, wp-settings-3, wp-settings-time-1,

Cookies de addthis.com

Usadas pola plataforma que permite compartir os contidos da web nas redes sociais.

BKIgnore, loc, mus, na_id, na_tc, optout, ssc, uid, uvc, xtc

Cookies de s7.addthis.com

Usadas pola plataforma que permite compartir os contidos da web nas redes sociais.

ups

Cookie de browser-update.org

Usada para coñecer se a visitante está a usar un navegador obsoleto (IE6, por exemplo) e mostra un aviso.

__cfduid

google.com

Usadas para diversas funcionalidades de Google que usa a web.

1P_JAR, APISID, CONSENT, GMAIL_RTT, GOOGLE_ABUSE_EXEMPTION, HSID, NID, S, SAPISID, SID, SIDCC, SSID

www.google.com

Usadas para diversas funcionalidades de Google que usa a web.

GoogleAccountsLocale_session, _ga, _gid, _gmb_ga_test

gstatic.com

Usadas para diversas funcionalidades de Google que usa a web.

CONSENT, NID

twitter.com

Funcionalidades do twitter nesta web.

__utma, __utmc, __utmz, _ga, _gid, _twitter_sess, ads_prefs, auth_token, cookie_warning, csrf_same_site_set, dnt, eu_cn, external_referer, gdpr_lo, guest_id, kdt, netpu, personalization_id, remember_checked_on, syndication_guest_id, tfw_exp, twid, twitter_ads_id

syndication.twitter.com

Funcionalidades do twitter nesta web.

lang