Noticias da Mesa

As novidades desta semana das empresas de Abertos ao Galego

Ademais de darmos a benvida á casa de xantar A Tafona, de Compostela e a empresa de tradución Eureco Galicia , temos novidades da Livraria Suévia, Edicións Positivas, OZOCOgz, as librarías Pedreira e Aira das Letras e dos medios de comunicación que forman parte de Abertos ao Galego.

A Mesa mantén a súa actividade grazas ás socias e socios.
Colabora connosco asociándote

– Esta semana damos a benvida á casa de xantar A Tafona, na rúa da Virxe da Cerca, 7 en Santiago de Compostela. A semana pasada tamén incorporamos a Eureco Galicia, empresa de tradución con sede en Milladoiro (Ames);

– A Livraria Suévia informa de que desde esta semana incorporan ao seu catálogo obras de Clarice Lispector. Ademais, o luns 11 e martes 12 Suévia vai estar pechada polo entroido.

– Desde Edicións Positivas informan de que comeza a chegar ás librarías e aos subscritores o primeiro volume das Obras Completas de Roberto Vidal Bolaño;

OZOCOgz continúa co seu concurso de microrelatos. Podedes participar até o 25 de abril, mais aquí tedes máis información https://www.facebook.com/events/278754068916640/?ref=ts&fref=ts.

– Hoxe venres 8 de febreiro a Libraría Pedreira de Santiago de Compostela acolle unha das presentacións do novo libro de Séchu Sende, Viagem ao Curdistám para apanhar estrelas. É ás 20.00 coa participación de Olga Patiño, Mehmet Akgoz e Séchu Sende.

– A Libraría Aira das Letras de Allariz agasalla, até o día 17 deste mes, cun cómic en galego a quen merque outro. Os dez primeiros levarán, ademais, o agasallo do cartaz de Miguel Robledo da ponte románica.

– Grande parte dos medios de comunicación que son membro de Abertos ao Galego (Tempos Novos, Galicia Confidencial, Radiofusión e De Luns a Venres) participan da fundación da Asociación de Medios en Galego. Aquúi tedes máis información: http://praza.com/movementos-sociais/3493/nace-a-asociacion-de-medios-en-galego-para-defender-a-presenza-do-idioma/.

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis