No acto de clausura presentarase a Iniciativa Lexislativa Popular de medidas para a garantía dos dereitos lingüísticos no ámbito socioeconómico.
O vindeiro sábado 18 de febreiro ás 10.00, en primeira convocatoria, e ás 10.30, en segunda, no salón de actos do Museo do Pobo Galego en Santiago de Compostela, terá lugar a Asemblea Xeral que organiza A Mesa pola Normalización Lingüística para todas as socias e socios.
No mesmo lugar, á 13.00, presentarase a Iniciativa Lexistativa Popular (ILP). Coa presentación desta iniciativa lexislativa popular preténdese dar contido legal e formal ao dereito xa recoñecido dos galegos e galegas a usaren a lingua propia de Galiza nas relacións que manteñen coas empresas como clientes e clientas, consumidores e consumidoras, e usuarios e usuarias, e para garantir materialmente, na práctica, o exercicio pleno dese dereito recibindo na mesma lingua todo tipo de información for na sinalización ou na atención oral e escrita.
Reclamamos igual trato e iguais dereitos, concretamente que se garanta materialmente o exercicio do dereito á información e á atención en galego, nun ámbito tan básico como o socioeconómico.
