Noticias da Mesa

Cilenis lanza Linguakit, un completo portal de análise textual en galego, castelán, inglés e portugués

Un conxugador verbal, un extractor de palabras chave ou un analizador de sentimentos son algunhas das ferramentas que ofrece esta completa caixa de ferramentas lingüísticas que sitúa a Galiza e a lingua galega á cabeza da enxeñería lingüística dos ámbitos lusófono e hispano

Desenvolve o proxecto un equipo multidisciplinar xurdido da USC que recibiu a “Honorable Mention” na 4ª edición do Building Global Innovators do Massachusetts Institute of Technology (MIT)

A Mesa mantén a súa actividade grazas ás socias e socios.
Colabora connosco asociándote

Santiago de Compostela, 3 de novembro de 2014.- A start up galega Cilenis lanza Linguakit, un innovador portal online multilingüe que proporciona un acceso cómodo, rápido, asequíbel e sinxelo a multitude de instrumentos tecnolóxicos para o uso e o estudo de catro linguas: galego, español, inglés e portugués. Trátase do primeiro portal de recursos lingüísticos para este grupo de idiomas e, moi especialmente, para o galego, que disporá por primeira vez de ferramentas até agora só accesíbeis para o inglés e o castelán. Esta importante achega de Cilenis, unha nova empresa tecnolóxica xurdida ao abeiro da USC, facilitará a aprendizaxe e a corrección no uso destas linguas apoiándose nos medios dixitais. Trátase, en fin, dunha completa caixa de ferramentas lingüísticas que sitúa a Galiza e a lingua galega á cabeza da enxeñería lingüística para os ámbitos lusófono e hispano.

 

Dende un conxugador verbal a un extractor de palabras chave, pasando por un analizador do sentimento dun enunciado, un resumidor, un tradutor ou un corrector ortográfico e gramatical, Linguakit inclúe un amplo abano de ferramentas web das que se poderán aproveitar publicistas, xornalistas, tradutores, profesores e lingüistas, pero tamén calquera persoa con interese pola lingua e as súas interioridades.

 

Todas as persoas que queiran probar Linguakit poden facelo de xeito gratuíto rexistrándose na web linguakit.com, o que lles dará dereito a facer ata 100 consultas mensuais. Para usos máis extensivos, hai plans adaptados ás necesidades de cada usuario dende 3,95€/mes.

 

 

Unha completa caixa de ferramentas

As ferramentas lingüísticas dispoñibles en Linguakit son un resumidor que proporciona unha síntese do contido dun texto; un corrector capaz de identificar erros léxicos e gramaticais proporcionando unha explicación didáctica dos mesmos así como posíbeis opcións de corrección; o mellor tradutor en liña dispoñíbel para o par de linguas que o usuario elixa; un conxugador verbal que inclúe verbos de dobre conxugación e mesmo inventados; ou unha completa ferramenta de análise que amosa algunhas das posibilidades que ten o usuario para traballar coa lingua ofrecendo á vez o resultado parcial de varias das ferramentas de Linguakit.

 

As ferramentas de análise lingüístico permiten averiguar o número de veces que unha palabra aparece nun texto atendendo á súa categoría gramatical e outros datos xenéricos como o número de frases, de palabras ou a variedade léxica do texto; facilitan o contexto anterior e posterior das palabras chave elixidas polo usuario; proporcionan información morfolóxica de cada tipo de palabra dun determinado texto; e realizan unha análise completa das relacións sintácticas ou de dependencia existentes entre os pares de palabras dun texto.

 

Finalmente, as ferramentas de análise de texto posibilitan analizar o sentimento dun enunciando, valorando o grao de positividade, negatividade e/ou neutralidade; identificar o idioma no que foi escrito, tendo en conta, para o caso do galego, as variantes recollidas na RAG (Real Academia da Lingua Galega) e AGAL (Associaçom Galega da Língua); extraer as palabras chave, clasificándoas segundo o seu grao de importancia, ou os grupos de palabras chave, clasificándoos segundo o seu grao de cohesión interna; e recoñecer as entidades, nomes propios e datos numéricos dun texto para catalogalos como persoas, lugares, organizacións, organismos, datas ou cantidades.

 

 

Dende a USC á vangarda da tecnoloxía lingüística

Cilenis é unha nova empresa galega dedicada ao desenvolvemento tecnolóxico aplicado aos recursos lingüísticos, creando ferramentas en galego, portugués, castelán, inglés e francés baseados no software libre. Uns dos seus primeiros produtos foron os conxugadores verbais automáticos en liña para galego e portugués, aos que pouco despois seguiron os conxugadores en portugués e castelán para móbiles con sistema operativo Android. De seguido chegou o proxecto Avalingua, que avalía automaticamente o nivel de lingua escrita en catro idiomas: español, inglés, portugués e galego. Agora, o equipo de Cilenis presenta unha nova proposta de utilidade global, un portal online que integra un amplo abano de ferramentas lingüísticas punteiras e que achegará, dun xeito asequible e sinxelo, a tecnoloxía lingüística de vangarda a todos e a todas, en Galiza e no mundo.

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis

Panel de preferencias de privacidade

Cookies de amesa.gal

Usadas para nativamente pola plataforma Wordpress e tamén polo plugin de control do RXPD.

__atuvc, __atuvs, gdprprivacy_bar, gdpr[allowed_cookies], gdpr[consent_types], wordpress_logged_in_{hash}, wordpress_sec_{hash}, wordpress_test_cookie, wp-settings-1, wp-settings-3, wp-settings-time-1,

Cookies de addthis.com

Usadas pola plataforma que permite compartir os contidos da web nas redes sociais.

BKIgnore, loc, mus, na_id, na_tc, optout, ssc, uid, uvc, xtc

Cookies de s7.addthis.com

Usadas pola plataforma que permite compartir os contidos da web nas redes sociais.

ups

Cookie de browser-update.org

Usada para coñecer se a visitante está a usar un navegador obsoleto (IE6, por exemplo) e mostra un aviso.

__cfduid

google.com

Usadas para diversas funcionalidades de Google que usa a web.

1P_JAR, APISID, CONSENT, GMAIL_RTT, GOOGLE_ABUSE_EXEMPTION, HSID, NID, S, SAPISID, SID, SIDCC, SSID

www.google.com

Usadas para diversas funcionalidades de Google que usa a web.

GoogleAccountsLocale_session, _ga, _gid, _gmb_ga_test

gstatic.com

Usadas para diversas funcionalidades de Google que usa a web.

CONSENT, NID

twitter.com

Funcionalidades do twitter nesta web.

__utma, __utmc, __utmz, _ga, _gid, _twitter_sess, ads_prefs, auth_token, cookie_warning, csrf_same_site_set, dnt, eu_cn, external_referer, gdpr_lo, guest_id, kdt, netpu, personalization_id, remember_checked_on, syndication_guest_id, tfw_exp, twid, twitter_ads_id

syndication.twitter.com

Funcionalidades do twitter nesta web.

lang