Noticias da Mesa

Convocatoria de Asemblea Xeral da Mesa pola Normalización Lingüística

Terá lugar o vindeiro 26 de abril no Centro Sociocultural Ágora da Coruña

A Mesa mantén a súa actividade grazas ás socias e socios.
Colabora connosco asociándote

Convócase ás socias e aos socios da Mesa pola Normalización Lingüística á Asemblea Xeral que se realizará o vindeiro 26 de abril no Centro Sociocultural Ágora da Coruña (a carón da rúa Alcalde Liaño Flores), ás 10.30 horas en primeira convocatoria e ás 11 h en segunda convocatoria (prevese o comezo a esta segunda hora). A Mesa quere continuar co proceso para achegar cada ano a súa asemblea xeral a un concello diferente de Galiza, iniciado en 2012 en Ourense e continuado o ano pasado en Ferrol. 

A orde de traballos é a seguinte:

 

1.       Debate e aprobación do Regulamento da Asemblea Xeral.

2.       Lectura e aprobación da acta da asemblea anterior.

3.       Admisión e ratificación de altas e baixas.

4.       Exposición e aprobación do Informe de Xestión.

5.       Exame e aprobación do Informe Económico do exercicio pasado.

6.       Exposición das candidaturas para a nova Comisión Permanente. Debate e elección.

7.       Exposición e aprobación da liña de actividades para o próximo ano.

8.       Debate e aprobación do orzamento para o próximo exercicio.

9.       Rogos e preguntas.

 

No caso de seres socia/o da Mesa e teres interese en recibir máis información sobre a proposta de regulamento, por favor solicítao por correo-e a amesa@amesanl.org e serache enviado por ese mesmo procedemento. O tope para a presentación de candidaturas á Comisión Permanente finaliza o día 16 de abril ás 14 horas no local nacional da Mesa.

 

Ademais, cómpre recordar que é necesario que todos os membros da Mesa envíen de novo o seu número de conta, debido ás novas cifras do IBAN. Prégase que se remita ese dato crucial para a continuidade da organización ao correo-e amesa@amesanl.org ou ao enderezo do local nacional: Avenida de Lugo, 2A – Entresollado A, Santiago de Compostela, para procedermos á súa modificación, sempre de acordo co estipulado pola Lei de Protección de Datos.

 

Unha forte e animosa aperta,

Carlos Manuel Callón Torres

Presidente da Mesa pola Normalización Lingüística

 

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis