Noticias da Mesa

Endesa: case 3 millóns de kW producidos en Galiza non valen nin unha palabra en galego

A Mesa comeza unha campaña nas redes sociais para que a empresa enerxética teña o galego como opción na atención telefónica, na web e na documentación

Anima a se dirixir a @EndesaClientes utilizando as estiquetas #QueremosAtenciónEnGalego e #OGalegoÉEnerxía

A Mesa mantén a súa actividade grazas ás socias e socios.
Colabora connosco asociándote

A empresa enerxética Endesa extrae de Galiza a través de centrais térmicas, encoros, minicentrais e parques eólicos, 3 millóns de kW encanto non é capaz de utilizar  a lingua galega, e gabouse de non o facer nas redes sociais en resposta a unha queixa da Unión de Consumidores de Galiza.

endesa

Mentres nos centros de teleatención galegos, entre os anos 2010 e 2012, tal e como xa denunciaron A Mesa e a CIG do sector, perdéronse 2040 postos de traballo que se terían mantido en Galiza se os servizos de atención á clientela tivesen o galego como opción para as e os usuarios.

centroschamadaemprego

O caso de Endesa non é único e vai na liña das empresas públicas e privadas que malia ofertaren servizos en Galiza néganse sistematicamente a daren a opción de galego nas súas facturas, documentos, información escrita ou telefónica.

Nos próximos días seguiremos informando doutras iniciativas para conseguirmos que Endesa e outras compañías respecten os dereitos das persoas que queremos vivir en galego.

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis