Noticias da Mesa

MEDIOS DE COMUNICACIÓN.- A Mesa desexa os mellores éxitos aos novos medios en galego que están a aparecer

Praza Pública estréase hoxe na rede como diario dixital en praza.com

A asociación chama a facer “un consumo responsábel” apoiando os medios que usan e apoian o galego

A Mesa mantén a súa actividade grazas ás socias e socios.
Colabora connosco asociándote

A Mesa  expresa o seu apoio incondicional aos novos proxectos mediáticos galegos e en galego que están a aparecer e mais aos próximos a surxir nos vindeiros meses.

A maior asociación cultural de Galiza parabenízase pola estrea do medio dixital Praza Pública, que comeza precisamente no día de hoxe a súa andaina como diario na rede a través do sitio: http://praza.com.  

A Mesa considera unha moi boa noticia que, ademais do recén estreado medio dixital, outros proxectos como Sermos Galiza ou Dioivo estean tamén a traballar para se sumaren moi proximamente á (re)construción dun espazo comunicativo galego que teña a nosa lingua propia como vehículo normal de expresión e que, sen ningunha dúbida, contribuirán para un maior pluralismo e unha mellor difusión de información sobre todo tipo de iniciativas ou noticias que hoxe non están a ter cabida na maioría de medios convencionais.

O colectivo desexa que estas novas iniciativas signifiquen un novo pulo que supere de vez a constante enxurrada de feches de medios en galego que se produciron en Galiza nos últimos tempos. A Mesa valora moi positivamente que a lóxica indignación e  preocupación que tal situación causou en amplos sectores da sociedade galega fose axiña tornada en acumulación de ideas e enerxías para pór en andamento novos proxectos.

A entidade cidadá en defensa da lingua chama agora polo conxunto da sociedade para non soamente “parabenizar e parabenizarse” pola aparición de novos medios en galego, senón tamén para facer unha aposta por un “consumo responsábel” que inclúa apoiar aqueles medios que apoian a lingua propia de Galiza.

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis

Panel de preferencias de privacidade

Close your account?

Your account will be closed and all data will be permanently deleted and cannot be recovered. Are you sure?