Noticias da Mesa

A Mesa alerta dun novo decretazo de odio a Galiza e ao galego

    Califica Feixó de irresponsábel por establecer por decreto falsos prexuízos sobre a lingua

Para cando Feixó blindará os dereitos das persoas galegofalantes? En sete anos de goberno Feixó só aumentou a desprotección do galego na administración

O anunciado decreto de atención cidadá é unha derrogación encuberta da Lei de Normalización Lingüística

 

A Mesa mantén a súa actividade grazas ás socias e socios.
Colabora connosco asociándote

Santiago de Compostela, 16 de setembro de 2016-. A Mesa pola Normalización Lingüística mostrou o seu rexeitamento ao Decreto de atención cidadá que, segundo anunciou o Presidente da Xunta, Alberto Núñez Feixó, deixará de ter o galego como lingua preferente da administración.

 

En rolda de imprensa, o presidente da Mesa sinalou  que Feixó utiliza o galego para rabuñar o sector máis extremista e intrasixente do electorado, sen dubidar en utilizar a mentira e os prexuízos para o galego o  que demostra un nível de irresponsabilidade tan grande que moralmente está inhabilitado para gobernar.

 

Aínda que o texto do novo decreto só se coñece polas declaracións do presidente da Xunta, os seus  precedentes de odio ao galego son suficientes para pórse no peor dos casos e prever un novo decretazo de odio ao galego e a Galiza. “Feixó comezou o seu primeiro mandato actuando contra o galego no ensino e quere rematar derrogando pola porta de atrás a Lei de Normalización Lingüística e todos os acordos tomados por unanimidade favorábeis ao galego”, sinalou o responsábel da Mesa, que engadiu que “o lamentábel é que o faga para rabuñar unha presada de votos fanáticos” , polo que pediu ás persoas moderadas que votan ao Partido Popular e mesmo aos cargos públicos que realmente queren Galiza e a súa lingua, que mostren publicamente o seu rexeitamento a esta nova campaña de galegofobia e o seu apoio á lingua que nos une. “Lingua e dignidade colectiva van unidas, e coa dignidade das galegas e galegos non se pode mercadear”, afirmou.

 

“As propostas electorais deberían ser para mellorar a situación de Galiza, ligada ao seu idioma e maior creación, non para ver como se destrúe o pouco que se avanzou, como fai Feixó en relación ao idioma”. “Alguén imaxina un responsábel político falando de como liquidar a sanidade pública en plena campaña? Pois iso é o que fai Feixó coa saúde lingua galega”, afirmou.

 

Para cando Feixó blindará os dereitos das persoas galegofalantes.

O presidente da Mesa cualificou de “asneira” impropia do máximo responsábel da Xunta, falar de “blindar os dereitos dos castelanfalantes” cando é o primeiro que debería saber que a administración xa garante a atención en castelán, “blindada non só pola lexislación galega senón pola propia Constitución Española  que sitúa como linguas inferiores en dereitos e deberes ás linguas propias e mentres a mesma administración non garante e vulnera sistematicamente o dereito a atención en galego”.received_1268302319871013

“Até tal punto é así que nas queixas recibidas pola Liña do galego no 2015, o 50% tiñan relación coa administración”, asegurou.

 

Impresos bilingües español- inglés nos colexios

A Mesa sinalou exemplos concretos, acontecidos só na última semana, de exclusión do galego nos servizos públicos: “estes días nais e pais de toda Galiza están a recibir o impreso de domiciliación dos comedores escolares en perfecto bilingüe español-inglés”declarou mentres mostraba copia do impreso; mostrou fotografías da información a doentes no Hospital Álvaro Cunqueiro de Vigo, ou nun centro de saúde, só en castelán; e asegurou ademais que até hai uns meses o SERGAS excluía o galego da súa conta de Twitter até que a Mesa se dirixiu a eles para que mudasen ese comportamento. Todos os días a administración mostra actitudes de desprezo ao galego e en vez de corrixilas, como é a súa obriga,  o presidente da Xunta anuncia “blindaxes para o castelán”. Para cando Feixó blindará os dereitos das persoas galegofalantes?, preguntouse.

image0

Lembrou tamén como a propia Mesa foi multada por reclamar respostas en galego pola Axencia Tributaria nun procedemento iniciado en galego pola propia entidade en defensa do idioma, e como tivo que soportar ano e medio de recurso até gañar sen que a Xunta movese un dedo para corrixir unha situación que lle pode acontecer a calquera cidadá.

 

 

“Onde está a oferta positiva en galego que indicaba o PXNLG?”

Maceira repasou a situación do galego en varios sectores: hai cidadás e cidadáns aos que se lle impede falar galego nos xulgados; só o 5% dos xuices utilizan o galego sen qeu o 95% restante teña obriga sequera de coñecer o galego; existen limites legais para que as empresas galegas exporten etiquetando en galego, o Estado español conta con máis de 500 de disposición legais que obrigan ao uso do español mentres a pouca lexislación favorábel ao galego se vulnera constantemente con decretos coma este.

Citou expresamente a escasa lexislación a favor do galego, tamén na administración, como a Lei de Normalización Lingüística, que no seu artigo 4.1 sinala:  O galego, como lingua propia de Galicia, é lingua oficial das institucións da Comunidade Autónoma, da súa administración, da Administración Local e das Entidades Públicas dependentes da Comunidade Autónoma; no artigo 22: O Goberno Galego asumirá a dirección técnica e o seguimento do proceso de normalización da lingua galega”; e no 23: O goberno galego establecerá unha plan destinado a resaltar a importancia da lingua (…) e a pór de manifesto a responsabilidade e os deberes que esta ten respecto da súa conservación, protección e transmisión. “Este Plan é o PXNLG que ía impulsar unha inexistente oferta positiva en galego na administración”, afirmou o presidente da organización para a normalización do galego.

 

“Coas declaracións á saída do Consello da Xunta asume Feixó a dirección o proceso de normalización?  “mais ben parece a lapidación do idioma”, afirmou.

 

O presidente da Mesa reiterou que fronte á sobreprotección do español, a cidadanía que quere  falar na lingua propia de Galiza está absolutamente indefensa pola desidia e desleixo dunha Xunta que non só non actúa senón que cando o fai vai directamente en contra do galego, sementando falsidades e prexuízos que só contribúen a danar aínda mais a xa precaria situación.

 

Onde están os dereitos das e dos galegofalantes? Cando se preocupou o Presidente da Xunta de “blindar” os seus dereitos?

 

Mobilización social a favor do galego

A Mesa pediu tamén que a “enorme mobilización social a favor do galego dos últimos anos se exprese nas urnas optando por opcións que aposten pola lingua de Galiza e por cumprir cos acordos acadados colectivamente”.

 

O responsábel da entidade indicou que agardarán a coñecer o contido exacto do decreto anunciado onte por Feixó, “para estudar as accións que tomaremos sen descartar, por suposto as legais e a mobilización social, mais temos o 25 de setembro unha oportunidade para expulsar o odio ao galego da institucións”.

 

 

image correos

 

 

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis

Panel de preferencias de privacidade

Cookies de amesa.gal

Usadas para nativamente pola plataforma Wordpress e tamén polo plugin de control do RXPD.

__atuvc, __atuvs, gdprprivacy_bar, gdpr[allowed_cookies], gdpr[consent_types], wordpress_logged_in_{hash}, wordpress_sec_{hash}, wordpress_test_cookie, wp-settings-1, wp-settings-3, wp-settings-time-1,

Cookies de addthis.com

Usadas pola plataforma que permite compartir os contidos da web nas redes sociais.

BKIgnore, loc, mus, na_id, na_tc, optout, ssc, uid, uvc, xtc

Cookies de s7.addthis.com

Usadas pola plataforma que permite compartir os contidos da web nas redes sociais.

ups

Cookie de browser-update.org

Usada para coñecer se a visitante está a usar un navegador obsoleto (IE6, por exemplo) e mostra un aviso.

__cfduid

google.com

Usadas para diversas funcionalidades de Google que usa a web.

1P_JAR, APISID, CONSENT, GMAIL_RTT, GOOGLE_ABUSE_EXEMPTION, HSID, NID, S, SAPISID, SID, SIDCC, SSID

www.google.com

Usadas para diversas funcionalidades de Google que usa a web.

GoogleAccountsLocale_session, _ga, _gid, _gmb_ga_test

gstatic.com

Usadas para diversas funcionalidades de Google que usa a web.

CONSENT, NID

twitter.com

Funcionalidades do twitter nesta web.

__utma, __utmc, __utmz, _ga, _gid, _twitter_sess, ads_prefs, auth_token, cookie_warning, csrf_same_site_set, dnt, eu_cn, external_referer, gdpr_lo, guest_id, kdt, netpu, personalization_id, remember_checked_on, syndication_guest_id, tfw_exp, twid, twitter_ads_id

syndication.twitter.com

Funcionalidades do twitter nesta web.

lang