Noticias da Mesa

Nova incorporación a Abertos ao Galego: Lúcete Lecer

Lúcete Lecer, unha empresa de Ourense especializada na xestión do lecer de calidade

A Mesa mantén a súa actividade grazas ás socias e socios.
Colabora connosco asociándote

Lúcete Lecer (http://lucete.info/) son Carolina, Millán e Sergio. Son tres socios moi novos mais con moita experiencia en organización e xestión de actividades de lecer de moi diverso tipo, que decidiron montar a súa propia empresa. A súa idea é o aproveitamento do tempo libre dun xeito saudábel, co obxectivo do desenvolvemento integral da persoa, o coidado da natureza e a diversión como eixo sobre o que xiren todas as actividades.

 

Apóianse nun grupo moi amplo de monitores/as, directores/as, educadores/as sociais, pedagogos/as, adestradores/as, con moitos anos de experiencia nos seus ámbitos de especialización.

 

Organizan actividades tanto para rapaces como campamentos urbanos e de traballo, actividades extraescolares, excursións para centros de ensino, animacións e xogos para eventos (aniversarios, congresos, celebracións…), actividades de voluntariado, xogos de rol, proxectos de intervención socio-educativa, concentracións deportivas, actividades para a potenciación do deporte, etc.

 

Un exemplo das actividades que organizan é o máis recente: o campo de traballo social de Celanova deste ano. Nesta actividade, baixo o lema “sé o cambio que queiras ver no mundo” participan rapaces e rapazas procedentes de lugares moi diversos (Italia, Francia, Brasil, México e España), con traballos na residencia de persoas de xuventude acumulada, visitas a Celanova e o entorno, sesións de xogos tradicionais galegos, actividades deportivas, etc.

 

Neste momento preparan as actividades extraescolares para este curso (se vos interesa, podedes contactar con eles en información@lucete.info) e tamén algunha novidade máis da que vos falaremos máis adiante.

 

A respecto do galego, para Millán, Carolina e Sergio é unha escolla natural, pois é a súa lingua habitual, así que non entendían outra forma de comezar como empresa. Por outra banda, están convencidos de que o galego é un valor engadido para calquera empresa, unha marca de calidade.

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis