“Falar por Falar” é un espectáculo no que un actor nado no medio rural e un dramaturgo procedente dun medio urbano, confrontan en clave retranqueira as súas vivencias e reflexións persoais arredor da lingua galega. A través do relato autobiográfico, da escenificación satírica de episodios históricos, de testemuños populares traídos polos pelos, de cantigas medievais e pezas do repertorio folk ou rock galego, Victor Mosqueira e Carlos Santiago desafíannos a unha viaxe pola realidade viva da lingua, á procura dunha visión liberada de prexuízos e idealizacións, que nos permita desentrañar un chisco os enigmas dese falar por falar que vén sendo toda lingua.
TEXTO E DIRECCIÓN: Carlos Santiago ELENCO: Carlos Santiago Víctor Mosqueira MÚSICA: Carlos Santiago e Os Quinindiolas ESPAZO ESCÉNICO: Pancho Lapeña Pepe Penabade DESEÑO DE ILUMINACIÓN: RTA VESTIARIO: Carlos Alonso
DESEÑO GRÁFICO: Pancho Lapeña FOTOGRAFÍA: Xan G. Muras COBERTURA TÉCNICA: RTA
O espectáculo conta coa colaboración da Mesa pola Normalización Lingüística.
