Noticias da Mesa

Queremos Galego do Deza anima a toda a veciñanza a participar na mobilización do domingo 27

Nunha rolda de prensa realizada onte advertiron do retroceso do galego na comarca.

Afonso Leal manifestou “a necesidade de nos mobilizarmos pola lingua que nos une, que é orgullo e patrimonio do noso país”

A Mesa mantén a súa actividade grazas ás socias e socios.
Colabora connosco asociándote

Queremos Galego do Deza organizou unha rolda de prensa para animar os veciños da comarca dezá a participaren o domingo 27 na manifestación que partirá ás 12.00 h da Alameda de Santiago de Compostela en defensa do galego, ao tempo que denunciaron a regresión palpábel do galego na comarca.

Afonso Leal, responsábel comarcal de Queremos Galego sinalou “a necesidade de nos mobilizarmos pola lingua que nos une, que é orgullo e patrimonio do noso país”.

Os responsábeis da plataforma no deza censuraron que o presidente da Xunta, Alberto Núñez Feijoo, rompese o consenso sobre a lingua e apostaron por unha normalización lingüística “verdadeira” para paliarmos a situación de indefensión na que vive o idioma galego.

Lembraron así mesmo que a mobilización conta co apoio de todas as agrupacións da comarca como Xenerais da Bandeira, Coto do Castelo de Graba, Adellís, Novo Cruceiro Rock de Cruces, O Naranxo, Focucu, A Tarabela, Bico da Balouta de Agolada, Mocidade Kambota de Rodeiro ou Xeración Nós de Borraxeiros.

Quen queira anotarse para asistir de forma conxunta a Santiago de Compostela este domingo poden facelo a través do perfil de facebook de “Queremos Galego Deza” e tamén no correo electrónico queremosgalegodeza@gmail.com. 

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis