17 de maio Noticias da Mesa Queremos Galego

Queremos galego recorre nos xulgados unha sanción da delegación do goberno pola manifestación do 17 de maio de 2013

Imaxe do cartaz en formato PNG

O portavoz da plataforma cidadá Queremos Galego, Marcos Maceira, fará declaracións ao medios na entrada dos novos xulgados das Fontiñas en Santiago (Rúa Berlín) ás 10.00, previas ao xuízo que terá lugar ás 10.10

Santiago de Compostela 5/01/2016-. A Delegación do Goberno impuxo unha sanción á plataforma cidadá Queremos Galego acusándoa de desperfectos e incidentes na manifestación do Día das Letras Galegas do 2013, observados presuntamente por policías malia as miles de persoas asistentes a través de redes sociais e os medios de comunicación teren sinalado o carácter pacífico e alegre desa e outras convocatorias da plataforma cidadá a favor da lingua galega.

Tal e como foi sinalado no seu momentoqueremosgalego-multa-01, a denuncia policial foi realizada tres meses despois de transcorrida a manifestación, sen máis testemuñas que os propios policías, acusando ao mesmo tempo dos mesmos feitos a colectivos que tamén se manifestaron, por outros motivos, en datas próximas polas rúas de Santiago.

Tras a denegación de varios recursos á sanción perante a delegación do goberno en Galiza e o Ministerio de interior, a plataforma cidadá Queremos Galego recorreu aos xulgados. A terza feira (martes) 5 de xaneiro, ás 10.10 terá lugar o xuízo no xulgado contencioso –administrativo de Santiago de Compostela. Previamente o portavoz de Queremos Galego, Marcos Maceira, valorará a actitude da delegación do goberno e do Ministerio do Interior.

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis