O primeiro día farase unha presentación de que é o software libre, que é a localización de software libre, e tamén que é o Proxecto Trasno e como se pode colaborar con el.
O sábado 26 de maio organizaranse de forma paralela:
* un obradoiro de localización, ao que están invitadas todas aquelas persoas interesadas na localización de software libre e tamén na tradución mediante software libre ou que simplemente queren ver de que vai a localización e como se realiza.
* unha sesión de discusión de terminoloxía para asentar terminoloxía empregada na localización de software á que están convidadas todas aquelas persoas interesadas na terminoloxía ou na tradución de software, ou que simplemente queren ver que é o que se fai nesta sesión.
Dispoñedes de máis información en http://trasno.net/trasnada120
