Presentación de O abecedario o 8 de outubro ás 18 h na libraría Bahía de Foz

Esta quinta feira, 8 de outubro, A Mesa e a libraría Bahía de Foz organizan Ven a xogar co abecedario.

A actividade está dirixida a nenas e nenos a partir de 3 anos. As prazas son limitadas e hai que anotarse con antelación na libraría.

Xogaremos, identificaremos obxectos, animais,… coas letras do abecedario, colorearemos, debuxaremos e escoitaremos a canción do abecedario.

Ademais do libro tamén falaremos da lámina, da proposta didáctica e do actividario.

Co libro O abecedario comezamos un proxecto didáctico destinado á educación infantil.

O abecedario, as 23 letras do abecedario galego acompañadas dunha ilustración de Óscar Villán, é para aprender mais tamén para admirar as ilustración, para ver, imaxinar ou inventar.

Este libro ten como obxectivos incrementar o uso do galego na educación infantil, proporcionar materiais en galego para nenas/os de 0 a 6 anos, potenciar o uso de vocabulario en galego, recoñecer as letras e aprender o abecedario galego.

http://www.amesa.gal/o-abecedario/

http://www.amesa.gal/cancion-o-abecedario-de-magin-blanco/

Recibe todas as noticias da Mesa no teu correo electrónico

Subscrición á ReMesa

Carriño da compra