Presentación en Pontevedra da Plataforma “Mira por elas!”

Esta quinta feira (xoves), 31 de maio, preséntase en Pontevedra Mira por elas! a Plataforma Cidadá en Defensa da Radiotelevisión Pública Galega.

O acto terá lugar ás 19.30h no Pazo da Cultura,  Seminario nº 6 (a carón da Fundación Alexandre Bóveda), coas intervencións de:

–          Lola Ferreiro, Portavoz de Mira por elas!

–          Antón Masa, Presidente da Asociación pola Defensa da Ría

–          Manuel Lourenzo, escritor e profesor de ensino secundario

A Mesa pola Normalización Lingüística está integrada nesta Plataforma Cidadá en Defensa da Radiotelevisión Pública Galega a carón doutras organizacións cidadás, profesionais e académicas, sindicatos e partidos políticos, preocupadas pola actual situación dos medios públicos galegos. Entendemos que os medios audiovisuais públicos son un servizo esencial de interese xeral que teñen como misión difundir contidos destinados a garantir a normalización cultural e lingüística, a independencia e a veracidade da información, o pluralismo, a cohesión social, a promoción dos dereitos cívicos, as liberdades públicas e a calidade da propia democracia.

Podes consultar e apoiar o manifesto da Plataforma nesta ligazón:

http://www.miraporelas.com/asina-o-noso-manifesto.html

Recibe todas as noticias da Mesa no teu correo electrónico

Subscrición á ReMesa

Carriño da compra