O presidente da Mesa pola Normalización Lingüística, Marcos Maceira, e o Secretario Xeral de Kontseilua reuniranse co presidente do Parlamento galego, Miguel Santalices, e co presidente da Real Academia Galega, Victor Freixáns
A Mesa presentará tamén o informe da Liña do Galego no Consello da Cultura
O calendario para mañá día 20 de abril será o seguinte:
- 12.00: Reunión co presidente da Real Academia Galega, Victor Freixanes, e presentación do Protocolo de Donostia para a garantía dos dereitos lingüísticos.
Ás 12.45 horas ofrecerase unha rolda de imprensa para informar a respecto do encontro e dos aspectos recollidos polo Protocolo de Donostia, na sede da RAG (rúa tabernas, A Coruña)
Asisten: Paul Bilbao (Secretario Xeral de Kontseilua), Pilar García Negro (Membro Comité científico do Protocolo), Celia Armas ( Responsábel da Mesa – A Coruña), Marcos Maceira (Presidente da Mesa).
- 16.15 XIX Encontros para a Normalización Lingüística no Consello da Cultura Galega
Paul Bilbao presentará o Protocolo de Donostia e Marcos Maceira o informe 2017 da Liña do Galego no Consello da Cultura Galega
- 18.30: Reunión co presidente do Parlamento de Galiza, Miguel Santalices
O presidente da Mesa pola Normalización Lingüística, Marcos Maceira, o o secretario Xeral de Kontseilua presentaranlle ao Presidente do Parlamento de Galiza o Protocolo de Donostia para a garantía dos dereitos lingüísticos. Terá lugar na sede do Parlamento (Rúa do Hórreo).
Ao comezo e á saída da reunión Maceira e Bilbao farán declaracións aos medios de comunicación.
As reunións na RAG e no Parlamento terán como obxecto presentar o Protocolo de Donostia para a garantía dos dereitos lingüísticos.
O Protocolo de Donostia é froito dun proceso de acordo desenvolvido nos anos previos por diferentes grupos de traballo, combinando os enfoques científico, académico e social, para construír unha ferramenta que permita reverter a situación das linguas minorizadas e construír unha Europa baseada na igualdade entre as comunidades lingüísticas. O documento internacional foi promovida por Kontseilua e outras entidades internacionais, contou coas achegas de ducias de entidades sociais de toda Europa recollidas por un Comité científico no que participou a profesora da Universidade da Coruña e activista da lingua galega, Pilar García Negro.
Este documento dá continuidade á Declaración Universal dos dereitos lingüísticos de 1996, que foi aprobada por unanimidade polo Parlamento de Galiza e asumida polo Congreso dos Deputados.
Respecto aos Encontros para a Normalización Lingüística no Consello da Cultura, a intervención da Mesa pola Normalización Lingüística será ás 16:15. Nesta intervención presentarase o Protocolo de Donostia para a Garantía dos Dereitos Lingüísticos, da man de Paul Bilbao, e último informe da Liña do Galego, presentado por Marcos Maceira.
A Liña do Galego é un servizo gratuíto que A Mesa pon a disposición dos cidadáns desde o 2008, no que se poden presentar queixas sobre a vulneración dos dereitos lingüísticos que fan algunhas institucións, empresas, etc ou tamén se poden facer consultas respecto a estes dereitos. Dentro deste servizo tamén se poden presentar parabéns para todos aqueles que garanten a presenza do galego e a vivir no noso idioma.
