Vía Galega e Galiza Cultura están realizando e teñen programando diferentes actividades por toda Galiza para divulgar e pór en valor a extraordinaria figura e obra de Castelao, do mellor que deu Galiza na política, na arte e na literatura, e así rescatar o seu pensamento e obra da manipulación e confinamento ao que o ten sometido a Xunta de Galiza.
No marco desta programación, Vía Galega e Galiza Cultura ten previsto realizar o 27 de xuño, ás 20h, un acto de admiración e homenaxe a Castelao, con ofrenda floral, no Panteón de Galegos Ilustres, onde repousan os seus restos mortais.
O acto iniciarase con un saúdo do Coordenador de Vía Galega, Anxo Louzao, do presidente de Galiza Cultura, Xosé Manuel Carril e da alcaldesa de Compostela, Goretti Sanmartín .
Tereixa Navaza e Carlos Callón conducirán o acto e darán lectura a textos da obra de Castelao.
A coral Solfa cantará a Castelao, interpretando A Castelao, poema de Manuel María (estrea da música) Poema ; Olla meu irmau honrado, poema de Celso Emilio Ferreiro; Lela, poema de Castelao e Na morte de Castelao, poema de Ramón Cabanillas.
Pilar García Negro disertará sobre O valor de Castelao no século XXI
Rematará o acto cunha ofrenda floral na tumba de Castelao e a interpretación do Himno Galego.
Máis info en: https://viagalega.gal/tag/castelao/
