Resultados de busca para "":

Europa pídelle á Xunta que elimine inmediatamente as limitacións ao galego en todos os niveis educativos

Expertos do Consello de Europa salientan algúns dos incumprimentos da Carta europea das linguas advertidos pola Mesa no ensino, saúde, xustiza, consumo, medios de comunicación ou relacións transfronteirizas e reclámalles á Xunta e ao Estado que cumpran o tratado A entidade de defensa da lingua esixe a derrogación urxente do decreto contra o galego: “Galiza […]

Expertos do Consello de Europa salientan algúns dos incumprimentos da Carta europea das linguas advertidos pola Mesa no ensino, saúde, xustiza, consumo, medios de comunicación ou relacións transfronteirizas e reclámalles á Xunta e ao Estado que cumpran o tratado

A entidade de defensa da lingua esixe a derrogación urxente do decreto contra o galego: “Galiza está en emerxencia lingüística e a Xunta ten a responsabilidade de solucionar a situación”

Compostela, 12 de decembro de 2019.- O Comité de Expertos do Consello de Europa que avalía o cumprimento da Carta Europea das linguas rexionais e minorizadas por parte das institucións españolas ven de facer público un contundente informe no que insta por terceira vez á derrogación do decreto contra o galego no ensino e recolle as principais obxeccións sobre a situación do galego no ensino, saúde, xustiza, consumo, medios de comunicación ou relacións transfronteirizas sinaladas pola Mesa no informe que lle presentou en decembro de 2018.
Para a entidade en defensa da lingua, o sinalado polos expertos do Consello de Europa é unha emenda á totalidade da política lingüística da Xunta e sitúaa fóra do marco democrático e de respecto polos dereitos fundamentais. O presidente da Mesa, Marcos Maceira, afirma que a mensaxe do Consello de Europa é clara: “o decreto de 2010 foi un ataque contra o galego e contra a Carta europea das linguas”, polo que “o decreto contra o galego debe ser derrogado inmediatamente“. “O que levamos 10 aos dicindo en Galiza”, afirma Maceira, “repítenllo por terceira vez desde o Consello de Europa: Galiza está en emerxencia lingüística e a Xunta ten a responsabilidade de solucionar a situación”.
Tal e como se vén advertindo reiteradamente por parte da Mesa, o Consello de Europa recorda que a Xunta ten que corrixir as dificuldades para o uso do galego no SERGAS e, sobre todo, en todas as etapas do ensino. “Só o fanatismo e o odio ao galego explican que Feixó e o Partido Popular non sintan a máis mínima vergoña perante o terceiro informe negativa que recibene manteñan a súa postura”, advirte Marcos Maceira, que lle lembra unha vez máis ao Presidente da Xunta que “o seu deber de defender os intereses e as necesidades de Galiza” e que “a lingua é unha necesidade para calquera pobo e poder vivir nela é ademais un dereito humano que ampara a Carta“.

O Estado tamén ten responsabilidade. O Consello recorda que debe dotarse de prazas en Galiza que requiran coñecemento de galego e que ten que asegurar o uso do galego nos procementos xudiciais sempre que o pida algunha das partes. “O novo goberno”, recorda Maceira, “debe actuar para cumprir cun tratado internacional ratificado por el mesmo eliminar as restricións ao uso das linguas propias”. “Esperamos”, conclúe, “que o novo goberno do Estado deixe de utilizar o BOE para vulnerar dereitos lingüísticos e recoñeza a realidade plurilingüe”.

A Carta europea das linguas rexionais ou minoritarias é un tratado internacional promovido polo Consello de Europa para garantir a normalidade das linguas minorizadas que o Estado español ratificou en 2001 no seu grao máximo. Segundo a Carta, o Estado ten que garantir o uso pleno do galego nos territorios onde é oficial ou está protexido polo estatuto en ámbitos como educación, xustiza, administración, relación sociais e económicas, cultura ou relacións transfronteirizas.
As recomendacións máis urxentes do Consello de Europa son:
  1. Eliminar as limitacións para o ensino en galego en todos os niveis educativos
  2. Corrixir a lei, para asegurar o uso do galego nos procedementos xudiciais se algunha das partes o solicita
  3. Que a administración do Estado empregue o galego en Galiza

Tamén recomenda:

  1. Aumentar o uso do galego nos servizos públicos
  2. Facer públicas as avaliacións do uso do galego na educación
  3. Asegurar que as informacións de seguridade están, tamén, sempre dispoñíbeis en galego.

Ligazóns: Informe do Consello de Europa | Reaccións de Marcos Maceiras (audio) | Relatorio sobre a aplicación en Galiza da Carta europea das linguas rexionais ou minoritarias (2014-2016)

Concerto de Pondaliana mañá día 12 de decembro en Carballo

O concerto terá lugar a mañá quinta feira (xoves 12 de decembro) no Auditorio do Pazo da Cultura de Carballo ás 20.30h. Pondaliana é un libro disco que editan A Mesa pola Normalización Lingüística e a Asociación Socio-Pedagóxica Galega. Contén quince poemas musicados dun dos grandes escritores da literatura galega, Eduardo Pondal. O cedé, ilustrado por Leandro […]

O concerto terá lugar a mañá quinta feira (xoves 12 de decembro) no Auditorio do Pazo da Cultura de Carballo ás 20.30h.

Pondaliana é un libro disco que editan A Mesa pola Normalización Lingüística e a Asociación Socio-Pedagóxica Galega. Contén quince poemas musicados dun dos grandes escritores da literatura galega, Eduardo Pondal. O cedé, ilustrado por Leandro Lamas, é froito da colaboración de máis dunha ducia de músicos coordinados polo profesor Francisco Rodríguez e pola Sociedade Cultural Medulio, impulsora do proxecto.

Presentación do libro Ricardo Carvalho Calero: a ciencia ao servizo da nación

A presentación do libro Ricardo Carvalho Calero: a ciencia ao servizo da nación, editado por María Pilar García Negro, celebrarase o 11 de decembro, ás 19,45 h. na libraría Couceiro, na praza de Cervantes, nº 6. Acompañarán á autora a profesora da USC María Lydia Fontoira Surís e o historiador Prudencio Viveiro Mogo. Maquetación 1 […]

A presentación do libro Ricardo Carvalho Calero: a ciencia ao servizo da nación, editado por María Pilar García Negro, celebrarase o 11 de decembro, ás 19,45 h. na libraría Couceiro, na praza de Cervantes, nº 6. Acompañarán á autora
a profesora da USC María Lydia Fontoira Surís e o historiador Prudencio Viveiro Mogo.

INAUGURACIÓN DA EXPOSICIÓN NÓS DE ONTE A HOXE: 100 ANOS DE HISTORIA

A FEDERACIÓN DE ASOCIACIÓNS CULTURAIS GALIZA CULTURA, en colaboración co MUSEO DO POBO GALEGO, inaugurará o próximo día 11, mércores, ás 17’30 horas, no claustro do Museo citado, a Exposición NÓS DE ONTE A HOXE: 100 ANOS DE HISTORIA. GALIZA CULTURA conmemora así o centenario dunha iniciativa singular e decisiva na historia contemporánea da Galiza: […]

A FEDERACIÓN DE ASOCIACIÓNS CULTURAIS GALIZA CULTURA, en colaboración co MUSEO DO POBO GALEGO, inaugurará o próximo día 11, mércores, ás 17’30 horas, no claustro do Museo citado, a Exposición NÓS DE ONTE A HOXE: 100 ANOS DE HISTORIA.

GALIZA CULTURA conmemora así o centenario dunha iniciativa singular e decisiva na historia contemporánea da Galiza: o nacemento da revista Nós, cuxo primeiro número ve a luz o 30 de Outubro de 1920, revista de alta cultura que coloca a lingua, as artes e a ciencia galega nun nível privilexiado de calidade. Adiantámonos á celebración dunha publicación que é herdeira directa do espírito das Irmandades da Fala (1916), do renacido boletín A Nosa Terra (1917) e da I Asemblea Nacionalista de Lugo (1918), que son os seus antecedentes directos.

A exposición leva como lema: SER DIFERENTE É SER EXISTENTE, extraído do uso que del fai Vicente Risco en “Nós, os inadaptados”, e realiza un percurso pola significación e a obra dos seus principais persoeiros: VICENTE RISCO, director literario; CASTELAO, director artístico; RAMÓN OTERO PEDRAIO, ÁNXEL CASAL… e, con eles, a proxección que significou para artistas e escritores novos, así como a conexión co Seminario de Estudos Galegos (1923), outra iniciativa capital que marca o inicio dunha ciencia multidisciplinar en galego e sobre a Galiza.

É, pois, amplamente, o Grupo Nós o estudado, con atención especial e lóxica conexión xeracional, á figura de RICARDO CARVALHO CALERO, dedicatario do próximo Día das Letras Galegas 2020, testemuña excepcional desta época e estudioso constante da obra dos principais artífices do Grupo.

No acto da inauguración estarán presentes D. Xosé Regueira e D. Xurxo Couto, vicepresidente e deputado responsábel de Cultura, respectivamente, da Deputación Provincial da Coruña, que patrocina esta Exposición; D. Manuel Vilar, director do Museo do Pobo Galego; D. Carlos L. Bernárdez, comisario da Exposición; D. Luís Martínez-Risco, presidente da Fundación Vicente Risco, colaboradora da mesma; Dª Mª Antonia Pérez, presidenta da Asociación Cultural O Galo, de Compostela, e María Pilar García Negro, presidenta da Federación Galiza Cultura. A Coral Solfa interpretará dúas pezas musicais, para pór de relevo a importancia que o Grupo e a revista concedían á arte musical no conxunto da cultura galega.

Dicionário Visual Através

O Dicionário Visual Através constitúe unha potente ferramenta de aprendizaxe que nos servirá para nomear o mundo que nos arrodea.

O Dicionário Visual Através ten un tamaño de 17×24 cm con 224 páxinas nas que poderás ver:

  • Máis de 3000 palabras.
  • 88 páxinas temáticas ilustradas e lexendadas.
  • 88 páxinas para praticar o que nos mostraran os deseños.
  • Índice remisivo dos apuntamentos.
  • Chave de solucións.

As ilustracións son da autoría de Andrea López. Os responsábeis dos textos son Diego Bernal, Iago Bragado, Eugénio Outeiro e Valentim Fagim.

  • Desconto para socias/os: 20%: 13,60 €
  • Desconto para non socias/os: 17 €

Unha campaña na rede pídelle á Xunta que facilite a lexendaxe e a dobraxe ao galego das series e filmes que ofertan as principais plataformas dixitais

Participan coa Mesa, nesta campaña, a Asociación profisional de actores e actrices da dobraxe de Galiza (APRADOGA), a Asociación Galega de Profesionais da Tradución e intrpretación (AGPTI) e mais a iniciativa Instagram en galego Compostela, 5 de decembro de 2019.- Unha campaña na rede pídelle á Xunta de Galiza que facilite a lexendaxe e a […]

Participan coa Mesa, nesta campaña, a Asociación profisional de actores e actrices da dobraxe de Galiza (APRADOGA), a Asociación Galega de Profesionais da Tradución e intrpretación (AGPTI) e mais a iniciativa Instagram en galego

Compostela, 5 de decembro de 2019.- Unha campaña na rede pídelle á Xunta de Galiza que facilite a lexendaxe e a dobraxe en galego dos filmes e series que ofertan as principais plataformas de contidos audiovisuais dixitais, tal e como fan os gobernos éuscaro e catalán dende hai anos.

O presidente da Mesa, Marcos Maceira, recorda que “a Xunta debe favorecer o dereito ao acceso a contidos audiovisuais en condicións semellantes a outras linguas oficiais e cumprir coa obriga sinalada no artigo 20.1 da Lei de Normalización Lingüística de 1983 de fomentar a produción, a dobraxe, a subtitulación e a exhibición de películas e outros medios audiovisuais en lingua galega”. “Porén”, advirte, “a Xunta exclúe a presenza do galego ao non participar de acordos como os acadados polos gobernos vasco e catalán, que favorecerían a opción de galego nos lfilmes e series lexendados e, ademais, reduce cada ano a execución do orzamento para a dobraxe e non permite que os filmes xa dobrados se atopen dispoñíbeis no mercado”.

A campaña que desenvolven dende hoxe nas redes A Mesa pola Normalización Lingüística, a Asociación profisional de actores e actrices da dobraxe de Galiza (APRADOGA), a Asociación Galega de Profesionais da Tradución e intrpretación (AGPTI) e mais a iniciativa Instagram en galego recorda que Movistar+ ofrece desde 2015 a posibilidade de lexendaxe e de dobraxe de series e filmes en eúscaro e catalán. O custo que ten para os gobernos vasco e catalán que as series e filmes que emite Movistar+ teñan lexendado e dobraxe nas súas linguas é de 61.555,37 € ao ano, nun acordo a 3 anos por un total 184.666,13 €. Após un ano de exclusividade de emisión, os contidos poden ser xestionados directamente polos gobernos catalán e vasco, así como liberados para o seu uso en todas as plataformas.

En 2018, Movistar+ manifestou nunha resposta á Mesa a súa vontade de incorporar o galego a este acordo. Porén, non hai polo de agora nada que indique que o vaian facer, mentres o goberno galego non se implique para dispormos de dobraxe e lexendaxe en galego nas plataformas de televisión dixital. “Á pasividade da Xunta a respecto do lexendado”, insiste Maceira, “únese a falta de investimento en dobraxe que se reduciu significativamente nos últimos anos”. “A dobraxe e a lexendaxe permitiría o acceso en galego ás principais series e filmes”, remata, “Galiza conta cunha importante ferramenta para a difusión da dobraxe a outras plataformas dixitais: a CRTVG”.
A campaña, que comezou a difundirse hoxe mesmo nas redes sociais e que anuncia accións na rúa para as próximas datas, reclámalle á Xunta de Galiza: que se sume ao acordo con Movistar+ para o lexendado e a dobraxe dos filmes e series; que estableza acordos coas principais plataformas dixitais para a incorporación de lexendado en galego e da dobraxe dos filmes e series dos que xa dispón a CRTVG; e que fixe unha dotación orzamentaria que permita cumprir eficazmente co estabelecido no artigo 20.1 da LNL.
Os datos: a oferta de catalán e eúscaro é posíbel grazas a un acordo con Movistar+ dos gobernos vasco e catalán respectivamente. O custe do acordo para o periodo 2014-2016 foi de 369.332,26€ partillado a medias entre a canle e cada goberno, polo que custe para cada goberno foi 21.250 en 2015, 85.000 en 2016 e 85.000 en 2017. Mediante este acordo Movistar+ realiza todas as xestións e disposición de medios para a criación e tradución da lexendaxe, resérvandose a opción de emitilos en primeiro lugar no primeiro ano. Tras ese periodo os gobernos poden dispor deles en plena propiedade e pólos adisposición para a súa distribución ou explotación por outras canles. (Máis información)

Recollida de sinaturas: https://www.amesa.gal/1/queremosgalegonatv

XUNTA DE GALIZA: QUEREMOS LEXENDAXE E DOBRAXE EN GALEGO DOS FILMES E SERIES QUE OFERTAN AS PLATAFORMAS DIXITAIS

61.555,37 € ao ano nun acordo a 3 anos por un total 184.666,13 €. Este é o custo que ten para os gobernos vasco e catalán que na actualidade as series e filmes que emite Movistar+ teñan lexendaxe nas súas linguas. Ademais o acordo permite que, após un ano de exclusividade de emisión de Movistar+, […]

61.555,37 € ao ano nun acordo a 3 anos por un total 184.666,13 €. Este é o custo que ten para os gobernos vasco e catalán que na actualidade as series e filmes que emite Movistar+ teñan lexendaxe nas súas linguas. Ademais o acordo permite que, após un ano de exclusividade de emisión de Movistar+, estes contidos poidan ser xestionados polos gobernos catalán e vasco.

E o galego? En 2018 Movistar+ manifestou nunha resposta á Mesa pola Normalización Lingüística a súa vontade de incorporar o galego. Porén, non hai polo de agora nada que indique que o vaian facer mentres o goberno galego non se implique para dispormos de dobraxe e lexendado en galego nas plataformas de televisión dixital.

Pola contra, a Xunta exclúe a presenza do galego ao non participar de acordos que favorecerían a opción de galego nos lexendados de filmes e series e, ademais, reduce cada ano a execución do orzamento para a dobraxe e non permite que os filmes xa dobrados se atopen dispoñíbeis no mercado.

A Xunta de Galiza debe favorecer a oferta de galego, o dereito ao acceso a contidos audiovisuais en condicións semellantes a outras linguas oficiais e cumprir coa obriga sinalada no artigo 20.1 da Lei de Normalización Lingüística de 1983 de fomentar a produción, a dobraxe, a subtitulación e a exhibición de películas e outros medios audiovisuais en lingua galega.

Por isto reclamamos:

  • Acordo da Xunta con Movistar+ para a lexendaxe dos filmes e series.
  • Acordos da Xunta coas principais plataformas dixitais para a incoporación de lexendaxe en galego e da dobraxe dos filmes e series dos que xa dispón a CRTVG.
  • Dotación orzamentaria que permita cumprir eficazmente co estabelecido no artigo 20.1 da LNL.

Lanzamos, un ano máis, un extenso catálogo con centos de propostas de compras e agasallos de Nadal en galego

Distribuirémolo esta fin de semana de xeito gratuíto no Culturgal e xa está dispoñíbel tamén para descarga, co obxectivo de recoñecer así as empresas que empregan con normalidade o galego no ámbito socioeconómico Compostela, 28 de novembro de 2019.- Libros, discos, cadernos e elementos decorativos, xogos, roupa, complementos, experiencias, alimentos… A Mesa pola Normalización da […]

Distribuirémolo esta fin de semana de xeito gratuíto no Culturgal e xa está dispoñíbel tamén para descarga, co obxectivo de recoñecer así as empresas que empregan con normalidade o galego no ámbito socioeconómico

Compostela, 28 de novembro de 2019.- Libros, discos, cadernos e elementos decorativos, xogos, roupa, complementos, experiencias, alimentos… A Mesa pola Normalización da Lingüística vén de lanzar a través da súa páxina web un extenso catálogo -que tamén se repartirá impreso, de xeito gratuíto, esta fin de semana no Culturgal- con máis dun cento de propostas de compras e agasallos de Nadal en galego. “Consideramos importante recoñecer as empresas que empregan con normalidade o galego no ámbito socioeconómico”, afirma o presidente da Mesa, Marcos Maceira, e recorda que “coa decisión de facermos presentes en galego como consumidoras e consumidores estamos a pór en valor a nosa lingua, a nosa cultura e tamén a nosa economía”.

O catálogo forma parte do proxecto Abertos ao Galego, que certifica o compromiso coa normalización da nosa lingua de empresas, comercios, asociacións e entidades de toda índole. Desde o cumprimento da lexislación lingüística e o estabelecemento de medidas concretas para o uso do galego,  até o uso sistemático do galego tanto interna como externamente e a solicitude de información e documentación en galego a provedores e administracións, Abertos ao Galego acompaña e apoia aquelas entidades que apostan dun xeito consciente pola lingua propia amosándolle á cidadanía os seus esforzos e animando os consumidores e consumidoras a apoialas, escollendo os seus produtos ou servizos.”Todas as decisións que tomamos como consumidores e consumidoras teñen implicacións”, afirma Maceira, “non ten as mesmas repercusións económicas, laborais ou ecolóxicas comprar un iogur fabricado en Francia que en Galiza, do mesmo xeito que non é o mesmo ter contratada unha empresa de telefonía que emprega persoas que poden atender a clientela en galego ou unha que non dá o seu servizo na nosa lingua”.

Catálogo de Nadal 2019

Concerto Pondaliana en Santiago de Compostela

O concerto terá lugar a vindeira sexta feira (venres 29 de novembro) no Museo do Pobo Galego ás 20.00h. Pondaliana é un libro disco que editan A Mesa pola Normalización Lingüística e a Asociación Socio-Pedagóxica Galega. Contén quince poemas musicados dun dos grandes escritores da literatura galega, Eduardo Pondal. O cedé, ilustrado por Leandro Lamas, é froito […]

O concerto terá lugar a vindeira sexta feira (venres 29 de novembro) no Museo do Pobo Galego ás 20.00h.

Pondaliana é un libro disco que editan A Mesa pola Normalización Lingüística e a Asociación Socio-Pedagóxica Galega. Contén quince poemas musicados dun dos grandes escritores da literatura galega, Eduardo Pondal. O cedé, ilustrado por Leandro Lamas, é froito da colaboración de máis dunha ducia de músicos coordinados polo profesor Francisco Rodríguez e pola Sociedade Cultural Medulio, impulsora do proxecto.

 

Queres colaborar connosco no Culturgal?

Un ano máis A Mesa pola Normalización Lingüística estará presente no Culturgal Feira das industrias culturais, e como sempre precisamos a implicación de todas e todos os que poidamos botar unha man eses días en Pontevedra. A feira celébrase dos días 29 de novembro ao 1 de decembro no Pazo da Cultura de Pontevedra. Para […]

Un ano máis A Mesa pola Normalización Lingüística estará presente no Culturgal Feira das industrias culturais, e como sempre precisamos a implicación de todas e todos os que poidamos botar unha man eses días en Pontevedra.

A feira celébrase dos días 29 de novembro ao 1 de decembro no Pazo da Cultura de Pontevedra. Para nos organizarmos agradecémosvos que as persoas que poidades colaborar enviedes un correo á conta xeral da Mesa (amesa@amesa.gal) indicando a vosa dispoñibilidade (ou a de quen puiderdes reclutar) para:

– Axudar a montar o posto da Mesa no Culturgal o xoves día 28.

– Axudar a atender o posto da Mesa no Culturgal. As quendas van desde as 10:00h. do venres 29, até as 20:00h. do domingo 1. Indicade máis ou menos que quendas preferides.

– Axudar a desmontar o posto o domingo día 1.

En función da dispoñibilidade que manifestedes xa cadraremos as quendas, de forma que todas e todos poidamos gozar da feira e que ao mesmo tempo a nosa organización teña a oportunidade de vender material, dar a coñecer a súa actividade e afiliar novas e novos socios que garantan o futuro da Mesa pola Normalización Lingüística.

Ponte en contacto connosco no enderezo electrónico amesa@amesa.gal ou a través do teléfono 981563885.

Obrigad@s como sempre 😉

Doazóns

Realiza unha achega económica puntual para axudar no funcionamento da asociación. Colabora aquí

Ler máis
Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis