“O idioma é a vida” Escolma de textos sobre a lingua galega de Manuel María

Manuel María é unha das voces máis importantes e singulares da literatura galegacontemporánea. Xeralmente máis coñecido como poeta, tamén cultivou outros xéneros literarios como a narrativa, o teatro, o ensaio ou a prosa xornalística, a se converter así nun dos autores máis prolíficos e polifacéticos da nosa historia literaria. Ao mesmo tempo, o compromiso cívico coa nación galega, coas clases populares e co idioma propio converten o autor nun referente para a sociedade galega e nunha das súas figuras exemplares.

O idioma é a vida. Escolma de textos sobre lingua galega é unha escolla dos textos máis representativos que Manuel María dedicou á exaltación e defensa da lingua galega.