Noticias Noticias da Mesa

A Autoridade Portuaria de Vilagarcía de Arousa discrimina as persoas galegofalantes

Este organismo redacta unhas bases excluíndo o galego na atención ao público no faro de Corrubedo

A autoridade portuaria contempla a obrigatoriedade do castelán e do inglés

  • (162 kB)
  • (162 kB)

A Mesa mantén a súa actividade grazas ás socias e socios.
Colabora connosco asociándote

A Mesa pola Normalización Lingüística denuncia a exclusión do galego no prego de condicións administrativas da concesión para a explotación turística do faro de Corrubedo. Unha nova mostra da necesidade da ILP promovida pola Mesa para garantir os dereitos lingüísticos no eido socioeconómico e atención en galego.

Con data do 18 de novembro de 2017, o Boletín Oficial do Estado (BOE) publicaba unha resolución referente ao proxecto Faros de España. Neste ditame a Autoridade Portuaria de Vilagarcía de Arousa sacaba a concesión a explotación turística do faro de Corrubedo.

No epígrafe 24 da resolución enúnciase que “o promotor deberá dispoñer dunha páxina web en español e inglés”. Asemade, no 29 continúa explicando que se deberá ter en conta o compoñente turístico internacional para que se dispoñan de recursos necesarios para poder atender “correctamente en inglés”.

A redacción destes epígrafes vulnera claramente a Carta europea de linguas rexionais e minoritarias ou a Lei 3/1983 do 15 de xuño, de normalización lingüística na cal se indica no artigo 4.1 que o galego é lingua oficial das institucións da comunidade autónoma e da súa administración; e o artigo 6.3 do devandito texto legal insta os poderes públicos de Galiza a promoveren o uso normal da lingua galega, oralmente e por escrito, nas súas relacións cos cidadáns e cidadás.

Desde a Mesa denúnciase que o galego, oficial na nosa comunidade, fica excluído de todo o documento e das condicións para obter a explotación do edificio turístico. Porén unha lingua estranxeira, o inglés e os seus falantes, posúen máis dereitos recoñecidos que a lingua oficial do territorio no que se asenta o faro, a lingua galega.

“Semella incríbel pero as propias institucións están a discriminar todas as persoas que desexamos vivir en galego libremente” asegura o presidente da Mesa Marcos Maceira. “Exixirémoslle á Autoridade Portuaria que corrixa as bases para que non se vulneren dereitos fundamentais das persoas galegofalantes” concluíu Maceira.

  • (162 kB)
  • (162 kB)

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis

Panel de preferencias de privacidade

Close your account?

Your account will be closed and all data will be permanently deleted and cannot be recovered. Are you sure?