Noticias Noticias da Mesa

A Mesa pola Normalización Lingüística estará no Culturgal 2017

A Mesa presentará no Culturgal a curta S. C. Atréveste a vivir a experiencia?

A décima edición do Culturgal terá lugar os días 1, 2 e 3 de decembro no Pazo da Cultura de Pontevedra. Nesta edición 2017 a Feira conta con Portugal como cultura convidada, un intento serio de estabelecer relacións culturais estábeis con axentes e institucións portuguesas.

A Mesa pola Normalización Lingüística terá presenza no evento a través do seu expositor coa información sobre a súa actividade e con produtos á venda entre os que destaca País das Letras, póster xigante para colorear, que poderedes pintar no noso stand durante os 3 días. O stand da Mesa será o número 61.

O domingo 3 de decembro ás 17:15 h presentaremos no Espazo Foro a curtametraxe S.C. Atréveste a vivir a experiencia? que mostra a problemática do uso do galego na sociedade actual. Esta curta formou parte da campaña para impulsar a iniciativa lexislativa popular para a garantía dos dereitos lingüísticos no ámbito socioeconómico que A Mesa desenvolveu en 2017. Intervirán o presidente da Mesa pola Normalización Lingüística, Marcos Maceira, da permanente da Mesa, Susana Méndez, o representante de Desoños, Carlos Álvarez, o guionista, David Rodríguez e o representante da produtora Paulo Bouzas.

 

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis