Noticias da Mesa

A Mesa pola Normalización Lingüística participa na Asemblea Xeral da Rede Europea para a Igualdade das Linguas

Debaterase sobre o camiño a seguir a nivel europeo no impulso ás linguas minorizadas

Reuniranse máis de cen organizacións de defensa das súas lingua propias

A Mesa mantén a súa actividade grazas ás socias e socios.
Colabora connosco asociándote

Barcelona será a sede da Asemblea Xeral da Rede Europea para a Igualdade das Linguas (ELEN) o próximo 5 de novembro. Reuniranse máis dun centenar de organizacións que loitan para promover, protexer e normalizar as linguas minorizadas.

Neste encontro, A Mesa participará como membro da Rede Europea e será representada polo seu presidente Marcos Maceira e polo secretario de Relacións Internacionais Paulo Filgueiras. A través acción internacional da Mesa e da súa participación en ELEN, a entidade en defensa do galego presentou recentemente un informe sobre a situación do galego no Parlamento Europeo e no Comité de Dereitos Humanos das Nacións Unidas.

No encontro, os participantes compartirán as accións que fan nos seus países e así elaborarán estratexias para o desenvolvemento pleno das linguas non oficias na UE xa que, na actualidade, 50 millóns de cidadáns europeos posúen unha lingua propia que non está caracterizada como oficial. A Mesa pola normalización Lingüística tratará a defensa do galego a nivel internacional.

Os participantes na Asemblea Xeral de ELEN serán recibidos mañá sexta feira (venres) día 4, ás 17h no Palau da Generalitat polo Presidente do Goberno catalán Carles Puigdemont

A presidenta do Parlamento de Cataluña, Carme Forcadell, presidirá este sábado a apertura da reunión e acollerá os participantes presentes nun encontro que será encerrado polo Conselleiro de asuntos exteriores, Raúl Romeva.

A Asemblea será coordinada por Davyth Hicks, Secretario Xeral da organización, que sinalou que na xuntanza “falaremos sobre as novas recomendacións de ELEN á Unión Europea para revitalizar e normalizar as nosas linguas, así como os casos de discriminación lingüística en tribunais internacionais e o novo protocolo de Donostia para a garantía de dereitos lingüísticos”.

ELEN é a organización europea de referencia na defensa das linguas minorizadas. A Asemblea escollerá novo Comité de Dirección no que A Mesa propón ao seu presidente Marcos Maceira, para ocupar unha vicepresidencia.

A Asemblea Xeral de ELEN será acollida no Camp Nou polo FC Barcelona que xunto coa Plataforma per la Llengua celebra os cen anos do primeiro documento en catalán publicado polo clube deportivo.

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis